Wira va klita ke Kelt is Tawava

{{TextQuality|75%}}

<div style="margin-top:1.2em;font-size:140%;">
<center>'''Kelt is Tawava'''</center></div>

{{Krent_Iyelt
| xanto_vergumvelt = '''Le Ciel et la Terre'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Madagasikarava Madagasikarava]
| xanto_evla = -
| kalkotavara_vergumvelt = Kelt is Tawava
| kalkotavara_kalkotavasik = Bruno Cordelier
| kalkotavara_piskura = -
| kalkotavara_evla = 2007
| webesik = [[Favesik:Bcordelier]]
| krentduga = [[Image:75%.jpg]] Gotuenan
}}


« Vol krandel », guazaf tawadayik pu jin ve kaliyir : kotviele sin va sint toz tolkevidutud, ise va minafe sokitise mea grupé. Va Tawava albá, in ve trenayar, jinaf Razako abdigadikeem koeon tid. Va Kelt albá kire jinaf Zanahariky lorikeem koeon tid. Vol djumé da meld toltozuwer ; okie fu tolbokawer. « Vol krandel, batcoba fu sokir ».

Ise ikuzapason, guazaf tawadayik ve pebuyur : 

Lekeon, tozi tamava, Tawava is Kelt, sotis vuwaf, tamapon sobliyid. Tawava tir viwoyafa is Kelt alamanapaf. Kevidura ve sokiyir nume Kelt va Tawava ve iltalayar.

Battelya, yatkafa, ta zomera va lae ve jonkayar : batinde mevtaveem ve tazukaweyer.

Kelt, kan xefto ton vilt is kan edi ton buli is kan suka ton gandi ke intaf sayakikeem ve dolzukeyer.

Tawava va tculk ton poxa ve tazukayar. Tael kan ikuzara ve walpiyir, Awalt kan intaf keraf iteem, bira kan intaf runteem, kuksa kan intaf soisteem ; ise riliton kalion megrupenon, drelge va Tawava itatanameson ve tcelmayar.

Meld ve tenuweyer vexe ziduca koton ve linveyer. Batdume Kelt tideon ware sozavzar ise Tawava titeon sotir. Kalit da mali decitda Tawava gan Awalt intaf berik al me zo ganer ise mali decitda Kelt pu Tawava intafa berikya mea al pulvir.

Aze wawaf tawadayik ve ten negayar : « Viele toloy ayik pu sint va gonuline is gonestune mea zilid, tir sugda da sin va volokafa bogara cwad ise va sint tenon atatad ».

[[Loma:Vunda]]
[[Loma:Vunda ke Madagasikara|Madagasikara]]
[[Loma:Ayoltaca yo|Kelt is Tawava]]