Wira va klita ke Izanagi is Izanami

{{TextQuality|75%}}
<div style="margin-top:1.2em;font-size:140%;">
<center>'''Izanagi is Izanami'''</center></div>
<center>''Niponafa vunda''</center>

{{Krent_Iyelt
| xanto_vergumvelt = '''Izanagi et Izanami'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Niponava Niponava]
| xanto_evla = -
| kalkotavara_vergumvelt = Izanagi is Izanami
| kalkotavara_kalkotavasik = Laurent Lermigny
| kalkotavara_piskura = -
| kalkotavara_evla = 2006
| webesik = [[Favesik:Kotavafamik|Kotavafamik]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Izanagi (ganesikye) is Izanami (ganesikya) tiyid tela anhusteafa tolonga dem berikye is berikya, kowisa div kroge kaiki solparsara va kelt sol tawava.

Intafa taneafa yawara walikrara va sorgraf nasbeik, va Hiruko (Vrandegoc, grupeteno wetce Ebisu lorik). Sin va in jovleson xuyavon gu rust ve kototayad.

Folison da rokla va migaja gan Izanami daneyer, kire inya taneon vol pulviyir, sin va miga ve toltozuyud. Ranhes moe keltafa ezasa za, ko taneakafa welfa va kulon wizbunafa kaba ve perdoeyed voxe viele vaon ve divtiolteyed, lubesa belaxa se va Onogoro, va tela taneafa ewala ke Nipona tursia, bieckaweson ve tazukayad. Batlize se tel taneaf lorik isu tisik ve kobliyid.

Viele Izanami va Kagutsuchi ve nasbayar, astirbon ve zo anteyayar nume ve awalkeyer. Batinde va Awalkiktamava ve koayar. Izanagi va in ve radimelaniyir, vexe ixam estuyuson va sinka burmotayana moe tey ke Awalkiktamava Izanami vol rodimlaniyir. Awalkiktamava tiyir koe tapeduca nume ta da Izanagi rowir va loitesikiolk ve vanteyayar. Va alto ke Izanami vibano gan zaxaks is lesko ve kosmayar. Izanami ve zo tuzidayar nume ve zidepeyer. Izanagi gan « yatkik » yo onkanon ve otceyer.

Bam Izanami ve vogayar da va 1000 sedenik ke Izanagi kotvielon co-atar. Nume Izanagi ve dulzeyer da milvielon va 1500 warzaf tisik co-redur, batinde nasbason va doca va bli is awalk. Izanagi va Awalkikpatcta ve artlaniyir aze kan pistok va tuvel ve budeyer. Azon ta dimdecenara sol uzerara va awalkik Izanagi ko bira va int kolavayar. Remi da va int kolavayar, konak lorik ve gepoyteyed. Amaterasu Awaltlorikya mal inafa talteita ve kobliyir, ise Tsukiyomi Taellorikye mal roneita, ise Susano Zivotclorikye mal pez.

[[Loma:Vunda]]
[[Loma:Vunda ke Nipona|Izanagi is Izanami]]
[[Loma:Ayoltaca yo|Izanagi is Izanami]]