Wira va klita ke Redura va Tamava (Maya)

{{TextQuality|75%}}
<div style="margin-top:1.2em;font-size:140%;">
<center>'''Redura va Tamava'''</center></div>
<center>''Mayafa vunda''</center>

{{Krent_Iyelt
| xanto_vergumvelt = '''La création du monde'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Francava Francava]
| xanto_evla = -
| kalkotavara_vergumvelt = Redura va Tamava
| kalkotavara_kalkotavasik = Daniel Frot
| kalkotavara_piskura = -
| kalkotavara_evla = 2006
| webesik = [[Favesik:Vieux Daniel|Vieux Daniel]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Lekeon moe Tawava mek ayik isu sulem isu aal isu rapor sotiyir. Mecoba. Anton tiyir vlardafe is kimiskafe levelavafe divatcepe. Koe mielakamlit Tepeu lorik isu Gukumats isu Xurakan sobliyid. Pu sint ve pulviyid nume icde gonaskine ve dotrakuyud.

Ve askiyid da taneafa koafira va Tawava bimiler. Aze bira ve ilayar, iskeson va midutuno tawaxo se lize aal is imwa solaumatad. Dakelanha se va warzon reduyuno aalxo yo toz tidayad.

Lorikeem va bata redura wiveyer. Voxe ve trakuyur da aal me gozavzar susikiskaf is zanisikiskaf. Bam vlev gama se is pok ulim yo va jontik amidaf sulem ve rundayar. Vexe bat yo zavzayad mezekas kali da lorikeem ve benplekuyur :

– Rin, ko kuksa sokulitil. Rin, koe arula sokenibetel. Sokinhavlatal aze konviele rinafe ge va vajburera sozanudatar. Rin, sveri, koe aal soblitir ise koe gael meluberakivason sotalatal.

Sulem yo gransenon ve askiyid. Lorikeem trakuyur da kot tisik koe tuwavafa anameda zo golevplekur voxe koe amlit me goblir ; kire amlit tir dum vlarduca is awalk.

Acum pu kot sulem va puda ve ziliyir. Vexe kot anton grupieyer, muxason va meka grufa pulva. Tugabentan, lorikeem va int ve kuljeyer nume va sulemeem ve gukoeyer :


– Kire win va tis cin me al jiligac, va kot win solanhav da kivason va kot ar tisik blitic. Va sint mebalveson vumbetec.

Va batcoba gildeson, sulem yo ve djupulviyid. Vexe ie se va larida is pezay anton ve divayad. Sulemeem ve trobindayar ise va restali ve malnaleyer : boreon bet gan koblitis logruf tisik zo sokonkar aze zo sowetar ise intaf cot zo soburmer aze zo sovumber.


[[Loma:Vunda]]
[[Loma:Vunda ke Amerika|Redura va Tamava (Maya)]]
[[Loma:Ayoltaca yo|Redura va Tamava (Maya)]]