Wira va klita ke Wilye is dikdatol

{{TextQuality|75%}}
<div style="margin-top:1.2em;font-size:140%;">
<center>'''Wilye is dikdatol'''</center></div>
<center>''Bamanavaf reiz (Malia)''</center>


{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Konviele, wilye gan ael platine divmoder ise ta gozara is aneyara va sinka mallanir. Luxeon dikdatol ta trasira va estutuna koncoba dere divmoder. Sin areldon va sint kakeved ise va mukot ke gozara pu sint moved.

Dikdatol pu wil bam kalir :
:– Ax ! Berikam, ede til kwasulem, jin, tí ke govitafa molda. Aelepé ise folí da jinafa estura su zo trasir. Wetce estuks va rin dure fu fegalá.

Wilye dulzer :
:- Xem ! Va jin men al ebidul !

Aze onkara tozuwer… Dikdatol va wil radimevulter ise viele folir da fu ebidur, wil tidtalar aze tid aal wanher. Dikdatol me gruper inde rotaskir. Va wil powar :
:– Wil, rin me tittalal ? Rinafe gadikye su awalker.

:– Kore gadikye su awalker, wilye dulzer, va nik ke jinafe gadikye ware dí. Va int pu in odiatá.

:– Wil, rinafe gadikye is dere inaf nik en tid awalkaf. Tittalal !

:– Ax ! Rin kalil da gadikye is inaf nik tid awalkaf, vexe va gadikya banlize ware dí. Va in rozinulá.

:– Wil berikam, rinafa gadikya dere su mulufter. Rin me tittalal ?

:– Neix ! Banlize tir nikya ke gadikya. Va jin me jovleter.

:– Wil, tittalal kire nik ke rinafa gadikya koe tamava mea tir.

:– Ax ! Va abdife berikye ware dí, in me vewatar da va jin pomar.

:– Tittalal, wil, kire rinafe berikye tir awalkafe.

:– Ax ! Banlize ware tir nik ke abdife berikye. Va int pu in konendatá.

:– Nik ke rinafe berikye dere tir awalkafe, wil. Rin me tittalal ?

:– Va gadikyaf ziavik yo ware dí, den sin lanití. Sin va jin emudeted.

:– Wil, su grupé da wida ke rinafa gadikya al zo kalvilar. Banlize kontan mea tir.

Wilye bam kalir :
:– Kiewafa.

In tittalar aze mosidawer, kalison pu dikdatol :
:– Bam, dikdatol, va jin estul ! Viele koe tamava kontan va vuwik pu dan va int rotodiar, va meke gadikye isu gadikya isu gadikyafe ziavikye, mea dir, moe tawava tokcoba co-rovanpir ? Bam bulura tir lokiewafa. Va jin estul ! Nume va Lorik denatá, jinafa ironokafa pokolera tir Lorik.

:– Dikdatol va kelt az sid bam disuker aze modovason kalir :

:– Ax ! Tokinde va tan mea dis va kon vuwik rotestú ? Ede co-askí, dene Lorik va runda me rowatá.

Kivason va Lorik, dikdatol va wilam ve kaydeyer.

Ware dure, tan ok artan grupes va Lorik ware zavzad. Viele va korik yo dem ronkafa takra wid, pu sin va kelda nedid. Dace pu rotik va keldanha nedid.

|style="vertical-align: top;"|
{{Krent_Iyelt
| xanto_vergumvelt = '''Donokɔrɔnin ani namakɔrɔba'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Bamanava Bamanava]
| xanto_evla = -
| kalkotavara_vergumvelt = ''Wilye is dikdatol''
| kalkotavara_kalkotavasik = Abdoulaye Coulibaly
| kalkotavara_piskura = -
| kalkotavara_evla = 2008
| webesik = [[Favesik:Soundiata|Soundiata]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}


[[Loma:Vunda ke Afrika|Wilye is dikdatol]]
[[Loma:Bamanavaf reiz|Wilye is dikdatol]]
[[Loma:Ayoltaca yo|Wilye is dikdatol]]