Wira va klita ke Gustave Flaubert

<div style=''margin-top:1.2em;font-size:140%;''><center>'''Gustave Flaubert'''</center></div>
<center>'''1821-1880'''</center>
<center>''Francavaf berpotik''</center>

{|width="100%"
|-
|rowspan="4" style="border:0px solid #F0F2CE; vertical-align:top; padding-left:1em; padding-right:1em; text-align:justify; width:72%;"|


Ba 13/12/1821 koe Rouen Gustave Flaubert koblir. Gadikye va Rouen Hôtel Dieu ropexe gader. Mali rumeugal va tankomuca ke winkablira gruper lizu va griva ta cobekafa dizvera rotison lirder. Bak 2<sup>-aksat</sup> ke 1832, va Gazafa Reila ke Rouen kofir lize nijur zilkiraf vox ugdafimaf. Bak 1834 va "Art et Progrès" nubasutena fela sutelar lize wenyaf warzot tid yordapa.

Bal idulugal ke 1836, koe Trouville in kakever va Maurice Schlesinger is moekote Elisa kurenikya varze dana va birgafa renara kiewagir. Bata skewera tir xanta ke ''[[Peztakafa gaara|Education sentimentale]]'' (1843). Va ''Mémoires d’un fou'' (1838) tozur. Bak radimifa tanda, va ''Rêve d’enfer'' is ''Main de fer'' suter. Ko Colibri rouenafa suterotvirda va ''Une leçon naturelle : genre commis'' taneaf suterot dere sanegar.

Bak 1840 koo Pyrenees is Corsica Flaubert koyar. Bak radimifa tanda ko Paris rokopafa kotla bendewer. Bak 1842, anton tison tolsandaf, va ''Novembre'' suter. Vewayanon ta rindera va rokopa, va taneaf siatos ke ''Education sentimentale'' bokar. Bak 1844 vanlakison va Pont l’Evêque va noglavordava levgar. Katcalayanon gan bata walta, gadikye mea jugemer da in wan vayar. Ko Croisset poke Rouen inkewer.

Bak 1846 va gadikye is berikya Flaubert drasur. Do gadikya daletoe di irubar. Va Louise Colet vanpis fertikya kakever. Ta wayotera va inaf noglakolaceem, selaropik va jonvielera koe idulafo xo savsuted. Bak 1849 in ko Roneka do Maxime Du Camp nik mallapir. Va Misra az Suria az Beirut az Jerusalem az Rodos az Konstantinopolis az Atinay worad. Va ''La Tentation de Saint Antoine'' jiadar. Bak 1851 ko Sparta is Peloponesos tolmallapir aze va Patra az Brindisi az Napoli az Roma az Firenze worar. Koyara riwe toltandon jijar. Bak 1854 do Louise Colet kaljoar.

Arti tolda, ko ''Revue de Paris'' virda ''[[Bovary Weltikya|Madame Bovary]]'' berpot suten mali 1851 zo sanegar. Tir granafa kiewatca. Golde inafa nuyukamuca konaka nakila ke berpot zo yontad ta onkara va sutesik. Arti tanda Flaubert zo vanbulur. Bak 1858 ta vayara va ''Salammbô'' warzaf berpot ko Kusantina az Tunus az Carthago mallapir.

Bak 1869 ''[[Peztakafa gaara|L'Éducation sentimentale]]'' zo piskur vexe va rotakafa kiewatca anton kazawar. Bak 4<sup>-aksat</sup> ke 1872 Flaubert va gadikya kranavon drasur. Vanolapan, "al sonké mali 15 viel da jinafa kimtafa gadikya tiyir jinaf lodalbayan tisik". Dimpiyison ko Croisset, va ''[[Bouvard is Pécuchet|Bouvard et Pécuchet]]'' abdumimaks kobrar.

Arti tolda kaiki sanegara ''La Tentation de Saint Antoine'' suterot tir rodj. Flaubert kobar vexe sfiannumejer ise noglazegamejer. Bak 1877 ko Paris inkewer ise va ''Herodias'' jiadar. Bak olgaf is fentaf fentugal ke 1879, Flaubert tir koe Croisset. Va yotcaks va ''Boule de Suif'' ke Maupassant suter ise dakter da bat berpot tir "bunyeragrot".

Ba 08/05/1880 koe Croisset golde akoladilfura levgon awalker, iskeson va ''Bouvard et Pécuchet'' mejiadayan berpot. Zola is Goncourt is Daudet is Banville is Maupassant is Coppée is Huysmans is Hennique is Alexis is Céard ko awalkikxo va in jupad.

|style="vertical-align: top;"|
{{Suterotik
| yolt = Gustave Flaubert
| ewava = GFlaubert.jpg
| vunduk = Gustave Flaubert
| blira = 1821-1880
| ava = [[:Loma:FrancavaSuteroteem|Francava]]
| suterinda = [[:Loma:Berpot|Berpot]]
| suterot   = <br>
*''Les Mémoires d'un fou'' (1838)
*''Smarh, vieux mystère'' (1839)
*''Novembre'' (1842)
*''L'Éducation sentimentale'' (1845) (1<sup>-eaf</sup> siatos)
*''Par les champs et les grèves'' (1848)
*''La Tentation de Saint Antoine'' (1849) (1<sup>-eaf</sup> siatos)
*''[[Bovary Weltikya|Madame Bovary]]'' (1857)
*''Salammbô'' (1862)
*''[[Peztakafa gaara|L'Éducation sentimentale]]'' (1869) (2<sup>-eaf</sup> siatos)
*''La Tentation de Saint-Antoine'' (1874) (2<sup>-eaf</sup> siatos)
*''Le Candidat'' (1874)
*''Trois Contes'' (Un cœur simple, La Légende de Saint Julien l’Hospitalier, Hérodias) (1877)
*''[[Bouvard is Pécuchet|Bouvard et Pécuchet]] (1881) 
}}
|}

[[wp-de:Gustave Flaubert]]
[[wp-en:Gustave Flaubert]]
[[wp-es:Gustave Flaubert]]
[[wp-fr:Gustave Flaubert]]
[[wp-it:Gustave Flaubert]]
[[wp-nl:Gustave Flaubert]]
[[wp-pt:Gustave Flaubert]]
[[wp-ru:Флобер, Гюстав]]
[[wp-tr:Gustave Flaubert]]

[[Loma:Berpot|Flaubert (Gustave)]]
[[Loma:XIX-eafa decemda|Flaubert (Gustave)]]
[[Loma:FrancavaSuteroteem|Flaubert (Gustave)]]
[[Loma:Flaubert (Gustave)|Flaubert (Gustave)]]
[[Loma:Suterotik (blirizvama)|Flaubert (Gustave)]]