Wira va klita ke Kabera 18-06-1940 De Gaulle

{{TextQuality|50%}}
<div style="margin-top:1.2em;font-size:140%;">
<center>'''Kabera ba 18 teveaksat ke 1940'''<br/>
gan De Gaulle jadiwik koe London</center></div>


{|width="100%"
|-
|rowspan="1" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Okilik yo tis tide francaf ervolieem, mali jontika tanda, va bowere al tazukad. Bate bowere, abduplekuson va surtera ke minaf ervolieem, ta tutenara va doaliera, va volnik toz kapbureyar.

Denon, min al zo anamvilat, zo anamvilat gan meltafo is sidafo is severofo po ke volnik.

Loon loote, tid bort yo is severo se is pendaropa ke germanikeem askis da min dimelanit. Tid bort yo is severo se is pendaropa ke germanikeem akoyeyesa va minaf okilik yo kepte da sin batlize batvielon tid.

Vexe tele ironoke tir kaliyine ? Pokolesuca gogriawir ? Surtera tir arldafa ? Vol !

Va jin folic, va jin grupenheson pulvis, pu win kalí da mecoba icde Franca tir tazdayana. Milaf mergileem va min cenheyes va cenhera stekeon ronasbar.

Kire Franca me tir antafa ! Me antafa ! Va ginaxopo kadimeon digir. Do britafo ginaxo giso va bira is trenaso va lhumara, va int rolospar. Dum Engla, va rabapa ke Tanarasokeem mekimanon rofaver.

Bata geja vanmiae volkalafo tawavo ke vo me kimawer. Bata geja gan Franca meld me zo tenuker. Bata geja tir tamavageja. Kota rola iku kagavera iku mejera me weyonad da, koe tame, tid kot mergil yo noves va stekefa selura va minaf volnikeem. Batvielon gleban gan meltafo po, gan tano logijafo stekeon rocenhetet. Bali ke tamava batlize tir.

Jin, De Gaulle jadiwik, noelon koe London, va ervokiraf ik ervoiskaf francaf fayik tis ok titis koe britaxo isu sayakik kabé, va dritik tis ok titis koe britaxo isu ervorabaf aptacik kabé, ta da do jin kapbureyad.

Betcoba sokitir, teyka ke francafa acagira me gotenanteyaweter nume vol tutenaweter.

Eldeon, dum batvielon, kan London olhak pulvití.

|style="vertical-align: top;"|
{{Krent_Iyelt2
| xanto_vergumvelt = '''Appel de Londres du 18 juin 1940 par le général De Gaulle'''
| xanto_sutesik = [http://www.kotava.be/xadola/pmwiki.php?n=Rekluexo.CharlesDeGaulle Charles De Gaulle]
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Francava Francava]
| xanto_evla = 1940
| kalkotavara_vergumvelt = Kabera ba 18 teveaksat ke 1940 gan De Gaulle jadiwik koe London
| kalkotavara_kalkotavasik = Laurent Lermigny
| kalkotavara_piskura = [http://www.kotava.org Kotava.org]
| kalkotavara_evla = 2007
| kalkotavara_klita = [http://www.kotava.org/fr/fr_remsuteks_18-06-1940kabera_CDeGaulle.pdf Kalkotavaks]
| webesik = [[Favesik:Kotavafamik|Kotavafamik]]
| krentduga = [[Image: 50%.jpg]] Gotuwadan
| kseva1 = #FFFF80
| kseva2 = #FFFFC0
}}
|}

[[Loma:Gaderopa]]
[[Loma:Dewitca]]
[[Loma:Ugalpulasiki|18-06-1940 De Gaulle]]