Wira va klita ke NyagaceemScapin Nakileem02 Nakila02

{{TextQuality|100%}}
<div style="margin-top:1.2em;font-size:140%;"> <center>'''Nhagaceem ke Scapin'''</center></div>


{{Teliz_toza}}

==Toleaf nakileem, toleafa nakila==

''Géronte'' : Tokcoba bata arienta batviele rotir ? Lorotaf dam tel inaf ! Sedme jin, va toka rotisa lorotaca me gildá ; ise krupté da kurera voldo finera ke gadikye tir tegira kaike kota gesta. Ax ! Rin batliz.

''Léandre, vultese enide va in dablur'' : Ax ! Gadikye, va mana daava peztalé wison da dimpil !

''Géronte, vewase da dablur'' : Aulon. Pulvimit !

''Léandre'' : Mejel da va rin dablú, ise da…

''Géronte, va in toleon malplatison'' : Aulon, pu rin kalí !

''Léandre'' : Va tokcoba ? Rin vewal, gadikye, da pu rin dabluson daavamuxá !

''Géronte'' : En, va koncoba godimaotcet, kottol !

''Léandre'' : Va tokcoba ?

''Géronte'' : Ronton ranhel, ta da lenteon wí !

''Léandre'' : Tokinde ?

''Géronte'' : Va jin ititon disukel !

''Léandre'' : Ex, bam ?

''Géronte'' : Tokcoba batlize kle al sokir ?

''Léandre'' : Sokiyisa ?

''Géronte'' : En. Va tokcoba al askil bak da tiyí gracaf ?

''Léandre'' : Gadikye, va tokcoba trakul da al askí ?

''Géronte'' : Me tir jin trakus va rinafa askira, vexe va rinon askiyina coba erú.

''Léandre'' : Jin, va meka temenaca al askí.

''Géronte'' : Va mecoba ?

''Léandre'' : Me.

''Géronte'' : Rin en til lanaf.

''Léandre'' : Tí lanaf gu intafa volgunuca.

''Géronte'' : Wori Scapin icde rin al kalijí.

''Léandre'' : Scapin !

''Géronte'' : Ax, ax ! Bat yolt va rin tukerar.

''Léandre'' : In icde jin va koncoba pu rin al kalir ?

''Géronte'' : Ta tuvlardara va bata arienta bato xo tir kalvekansafo, nume arlize fu rindet. Ko oga lanit ! Artimon dimpití. Ax ! Zatkik, ede rin va jin al griporal, wetce nasbeik va rin co-kaagdé acum co-rogoral da va jin narmon otcel.

{{NyagaceemScapin_iyelt}}


{{NhagaceemScapin_krent
| nakileem_otuk = Toleaf
| nakila_nakila = 2<sup>-eafa</sup>
| nakila_abduenakila = [[NhagaceemScapin_Nakileem02_Nakila01|1<sup>-eafa</sup> nakila]] 
| nakila_radimenakila = [[NhagaceemScapin_Nakileem02_Nakila03|3<sup>-eafa</sup> nakila]] 
}}

{{NyagaceemScapin_lomeem}}

[[fr:FR_NhagaceemScapin Nakileem02 Nakila02]]