Wira va klita ke Biblia Koxelet Blokey01

==Koxelet neva, taneaf blokey==

<div class="text">
<ol>

<li> Pulva se ke Koxelet, nasbeikye ke gazik ke Yerucalayim David.</li>

<li> Greciaca vanmiae greciaceem, Koxelet kalir, greciaca vanmiae greciaceem, kotcoba tir greciuca. </li>

<li> Tok gunt pu ayik ika inafa zegara leve awaltara zilidur ? </li>

<li> Tana oxila malpir, ara artpir voxe Tawava kotugale sotir. </li>

<li> Sotidawaltar, sotitawaltar ; awalt icde xo lizu sotidawaltatar repaler. </li>

<li> Geon az lenton sosukar ; azon arnion sosukar aze geon az lenton sosukar. </li>

<li> Kot bost sokobirawer voxe bira me zo tukotrar ; wan kalar liz titar. </li>

<li> Kota coba kaik merokaline sokaskir ; ita sowir ise oblaka sogilder. </li>

<li> Coba tiyisa num titisa,
<br /> ise coba askiyina num askitina,
<br /> meka warzaca leve awaltara. </li>

<li> Ede tir coba kalina : Va batcoba wil, warzafa ! bata coba lekeon abdion ixam kruldeyer. </li>

<li> Min icde savsaca me setiket ; voxe coba sokitina pu tel ilion blitis va setikera me isketer. </li>

<li> Jin, Koxelet, gazik ke Yerucalayim al tiyí. </li>

<li> Ta aneyara is bralara kan proyuca va kotcoba askina leve kelt va jinafa takra al rewá : tir portafa kobara koaykana gan Lorik pu nasbeikeem ke ayik. </li>

<li> Va kotcoba askina leve awaltara al wí ; voxe batse, kotcoba tir greciuca is sukonkara. </li>

<li> Livaca tir mesoranhesa,
<br /> ise leaca tir mesopatana. </li>

<li> Jin koe takra al kalí : Batse, al tumilgawé ise va abdif kottan felileyes va Yerucalayim icde proyuca al kaiká, ise jinafa takra va jontika proyuca isu opa al wir. </li>

<li> Ta grupera va proyuca is fituluca is oviskuca va takra jin al rewá ; al vangrupé da batcoba dere tir sukonkara. </li>

<li> Kire kan proyapuca min nigepet,
<br /> ise tan vones va intafa opa loloon kranaver. </li>

</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Vulgate siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla = 
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2001
| webesik = [[Favesik:Troubadour|Troubadour]]
| krentduga = [[Image: 75%.jpg]] Gotuenana
| kseva1 = #E23030
| kseva2 = #FF7979
}}
|}


{{Teza:Biblia_krent
| biblia_neva = Koxelet neva
| blokey_blokey = 1<sup>-eaf</sup> 
| blokey_radimeblokey = [[Biblia_Koxelet_Blokey02|Koxelet 2]] 
}}

[[Loma:Alkakrent|Koxelet Blokey01]]
[[Loma:Biblia|Koxelet Blokey01]]

[[ru:RU_Biblia_Koxelet_Blokey01]]