Wira va klita ke Biblia Koxelet Blokey03

==Koxelet neva, bareaf blokey==

<div class="text">
<ol>

<li> Tir ugal ta kotcoba, ugal ta kota coba leve kelt : </li>

<li> ugal ta koblira,
<br /> vox ugal ta awalkera ;
<br /> ugal ta taplekura,
<br /> vox ugal ta divzaetawara va taplekuyuna coba ; </li>

<li> ugal ta atara,
<br /> vox ugal ta fraskera ;
<br /> ugal ta baliera,
<br /> vox ugal ta kolnara ; </li>

<li> ugal ta borera,
<br /> vox ugal ta kipera ;
<br /> ugal ta arubara,
<br /> vox ugal ta stutera ; </li>

<li> ugal ta raporkabura,
<br /> vox ugal ta raportredura ;
<br /> ugal ta dablura,
<br /> vox ugal ta tarutera va dablura ; </li>

<li> ugal ta aneyara,
<br /> vox ugal ta drasura ;
<br /> ugal ta sura,
<br /> vox ugal ta mimara ; </li>

<li> ugal ta sollipara,
<br /> vox ugal ta asadara ;
<br /> ugal ta amlitara,
<br /> vox ugal ta pulvira ; </li>

<li> ugal ta renara,
<br /> vox ugal ta bogara ;
<br /> ugal ta geja,
<br /> vox ugal ta dili. </li>

<li> Tok gunt pu ayik ika inafa zegara leve awaltara zilidur ? </li>

<li> Va kobara koaykana gan Lorik pu ayikoceem al wí. </li>

<li> In ba gonaskine va kota coba askir ; ostik ko takra ke ayik va trakura va kotabuca al plekur beka in va tozitenion grabom ke Lorik me grugildar. </li>

<li> Jin al kagrupé da inafa kaluca anton tir wiveson is va int tukiewatiason bak blira ; </li>

<li> Voxe ede ayik estur ise ulir ise tukiewatiawer vanmiae kobara, en tir zil ke Lorik. </li>

<li> Al kagrupé da kotcoba askiyina gan Lorik sojijatar,
<br /> da mecoba zo goloplekur
<br /> ise mecoba zo gonezuar,
<br /> ise da Lorik batinde sotegir ta da zo kivar. </li>

<li> Coba tisa ixam tiyir,
<br /> ise coba titisa ixam tiyir,
<br /> ise Lorik va abdiaceem dimplekur. </li>

<li> Leve awaltara dere al wí
<br /> da lize malhexo tir ikoruca,
<br /> ise da lize malherotxo tir ikoruca. </li>

<li> Jin koe takra al kalí : Lorik va malhik is ikorik malheter ; kire ugal batlize tir ta kota coba isu skura. </li>

<li> Koe takra al kalí, icde kot ayikoc, da Lorik vaon duxatar ise da in miv witir da anton tir bonol. </li>

<li> Kire bali ke kot ayikoc is teli ke bonol tori sin tid milafi bali ; rape dam kontol awalker milinde artol awalker, kottol milinde sokagaelar, ise vamoeuca ke ayik kapbure bonol tir nedoya ; kire kotcoba tir greciuca. </li>

<li> Kotcoba milliz sopir ;
<br /> kotcoba male gopa zo askiyir,
<br /> aze kotcoba ko gopa sodimpir. </li>

<li> Toktan gruper ede kagaelara ke ayikoc tidar volse tela ke bonol ko sid titar ? </li>

<li> Ise al wí da mu ayik tele lokiewe tir wivera va inaf skuks yo : en tir inaf pak. Kire toktan co-askir da in va kaikion sotitisa coba wiver ? </li>


</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Vulgate siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla = 
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2001
| webesik = [[Favesik:Troubadour|Troubadour]]
| krentduga = [[Image: 75%.jpg]] Gotuenana
| kseva1 = #E23030
| kseva2 = #FF7979
}}
|}


{{Teza:Biblia_krent
| biblia_neva = Koxelet neva
| blokey_blokey = 3<sup>-eaf</sup> 
| blokey_abdueblokey = [[Biblia_Koxelet_Blokey02|Koxelet 2]] 
| blokey_radimeblokey = [[Biblia_Koxelet_Blokey04|Koxelet 4]] 
}}

[[Loma:Alkakrent|Koxelet Blokey03]]
[[Loma:Biblia|Koxelet Blokey03]]

[[ru:RU_Biblia_Koxelet_Blokey03]]