Wira va klita ke Biblia Koxelet Blokey09

==Koxelet neva, lerdeaf blokey==

<div class="text">
<ol>

<li> En, ta bata kotcoba jin va takra al rewá, kan batcoba al rindé nume al wí da malhik is proyik is sinaf kobareem tid koe nuba ke Lorik,
<br /> is renara lidam bogara ;
<br /> ayik va mecoba sogruper : kotcoba tir kabdueon. </li>
<li> Kotcoba tori kottan dere sosokir ;
<br /> mili bali tori malhik is ikorik,
<br /> tori karaf vonik
<br /> is volkarik,
<br /> tori wetasik is mewetasik ;
<br /> dere tir tori kiewik is trobasik,
<br /> tori vogadasik lidam vogadarakivasik. </li>
<li> Batcoba tir rotaca vanmiae kota sokira leve awalt kire bali tori kottan milinde tir ; 
<br /> acum takra ke ayikoc tir ikorapafa ise oviskuca koe takra bak inafa blira tir ; 
<br /> kaikion in va awalkikeem sodenar. Kire, toktan zo divzawar ? </li>
<li> Mu kot blisik pokolera tir ;
<br /> ise dace blis vakol loon vodar dam awalkaf krapol. </li>
<li> Keskeon, blisik sogruper da sokawalketer ; 
<br /> voxe awalkik va mecoba sogruper nume mu in mea kuba tir larde setikera va in tir vulkunafa. </li>
<li> Ise intafa renara isu bogara isu djumera ixam al xonukad ; 
<br /> ise konviele va kon pak ke sokine leve awalt mea seotatad. </li>
<li> Lanil, va rinaf beg daavon estul,
<br /> ise va rinafa centaxa kolukon ulil ;
<br /> kire Lorik va rinaf askiks malipon puvegur. </li>
<li> Rinafe vage kotoulon tir batakafe,
<br /> ise punta moe taka me gracer ! </li>
<li> Va blira do renanikya pojal,
<br /> bak kot viel ke rinafa greciafa blira, zilin leve awalt gan Lorik,
<br /> bak kot viel ke rinafa greciuca ;
<br /> kire rinaf pak koe blira tir,
<br /> vanmiae rinafa kobara leve awalt.</li>
<li> Va kotcoba rotaskina kan rinafa nuba isu po askil !
<br /> kire mek grabom isu trak isu opa isu proyuca tid,
<br /> koe jonvielexo ke awalkik, liz lanil. </li>
<li> Leve awalt dere al wí
<br /> da vultera me tir ke tuzik meie geja tir ke laspedik,
<br /> meie beg ke proyik,
<br /> meie koluca ke gruik, 
<br /> meie gunt ke grupeik ;
<br /> kire kotcoba mu sin va ugal is goaspileem rupter. </li>
<li> Ayik va ironokaf bartiv dere me gruper,
<br /> nuxaf gu balion kodonan kabay,
<br /> is koikseni sveri ;
<br /> milinde kot ayikoc ben volkalucugal zo cualar,
<br /> viele bat laizon moon luber. </li>
<li> Jin leve awalt va bata adala ke proyuca jinon nuvelayasa gijafa dere al wí. </li>
<li> Widavama dem abice ayikye tiyir ; 
<br /> gijarotif gazik kevon avlayar aze ve zonesteyer aze va folkap yo kevon kolnayar. </li>
<li> Wawaf is proyaf ayik tiyir. Tuke proyuca ve giwayar. Voxe metan va bat wawik al setikeyer. </li>
<li> Aze al kalí : 
<br /> Proyuca lodam po.
<br /> Wori proyuca ke wawik zo vligur,
<br /> ise intafa pulva me zo terktar. </li>
<li> Pulva ke proyik aulon terktana lodam ie ke tel lovolpeztorik vodar. </li>
<li> Proyuca lodam gejusiki vodar ;
<br /> vexe tanoy trobasik sovilapar. </li>
</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Vulgate siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla = 
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2001
| webesik = [[Favesik:Troubadour|Troubadour]]
| krentduga = [[Image: 75%.jpg]] Gotuenana
| kseva1 = #E23030
| kseva2 = #FF7979
}}
|}


{{Teza:Biblia_krent
| biblia_neva = Koxelet neva
| blokey_blokey = 9<sup>-eaf</sup> 
| blokey_abdueblokey = [[Biblia_Koxelet_Blokey08|Koxelet 8]] 
| blokey_radimeblokey = [[Biblia_Koxelet_Blokey10|Koxelet 10]] 
}}

[[Loma:Alkakrent|Koxelet Blokey09]]
[[Loma:Biblia|Koxelet Blokey09]]

[[ru:RU_Biblia_Koxelet_Blokey09]]