Wira va klita ke Biblia Koxelet Blokey10

==Koxelet neva, saneaf blokey==

<div class="text">
<ol>

<li> Awalkafa nefta tuyicad ise va punta ke kofigasik kacad ; abica oviskuca kapbure proyuca is aliuca wad.
</li>
<li> Takra ke proyik roneon tir,
<br /> ise takra ke volpeztorik talteon tir.
</li>
<li> Viele volpeztorik koo kelda lanir, pezta va in gracer, nume in icde kottan kalir : tir oviskik !
</li>
<li> Ede swava ke felisik kev rin madawer, va rinafa runda me bulul ; kire vumeltuca va trobapa se djir.
</li>
<li> Tir rotok jinon wiyin leve awalt, wetce derka ke tan bowes :
</li>
<li> oviskuca va playap kereler, ise kulik yo koe struca debanhed.
</li>
<li> Jin va okollakis levetirik yo is sersik yo lanis dum levetirik al wí.
</li>
<li> Tan suxas va kela koon lubeter,
<br /> ise tan trovgas va rebavega gan perake zo bugdatar.
</li>
<li> Tan kalizis va rapor se ganon zo bakatar,
<br /> ise tan intaludzes goldeon wupesatoleter.
</li>
<li> Ede in va dug al gricuynar ise va gabese me al tucuynar, lopoon ware gonaskitir ; vexe proyuca va gunt va kiewatca digir.
</li>
<li> Ede perake arbe vecara bugdar, me tir gunt mu vecasik.
</li>
<li> Pulva se ke art ke proyik tid kotrafa gu kuca ;
<br /> vexe kutceem ke volpeztorik va rodjera lazavar.
</li>
<li> Toza ke pulva se ke inaf art tir oviskuca,
<br /> ise tena ke inafa dewitca tir ikorafa oviskuca.
</li>
<li> Volpeztorik va pulva se jonkar.
<br /> Ayik va sokitisa coba me gruper,
<br /> ise toktan pu in kalitir inde kaiki in batcoba titir ?
</li>
<li> Kobara ke volpeztorik va in cuur,
<br /> kire in me gruper kane ko widava rolanir.
</li>
<li> Til volkalafa, patcta ke dana gazik tir rumeik,
<br /> is sersik yo mali gazda estud !
</li>
<li> Kalafa, patcta ke dana gazik tir ke tcumpafa zaava,
<br /> is ke dana sersik yo ba bartivanh estud,
<br /> ta polevgira vols tuizkawera !
</li>
<li> Viele nuba tir vungafa, renta tuomawer ;
<br /> ise viele nuba tir nhudafa, mona tir belaxarekirafa.
</li>
<li> Min ta deasera estut,
<br /> vor va blira tudaavar,
<br /> ise erba va kotcoba dulzar.
</li>
<li> Va gazik me rotapstal, dace koe trakura,
<br /> ise koe maga lize kenibel va kulik me rotapstal ;
<br /> kire keltsveri va rinafa puda co-divburer,
<br /> wiltsulem va rinafa pulva yo co-sanegar. </li>
</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Vulgate siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla = 
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2001
| webesik = [[Favesik:Troubadour|Troubadour]]
| krentduga = [[Image: 75%.jpg]] Gotuenana
| kseva1 = #E23030
| kseva2 = #FF7979
}}
|}


{{Teza:Biblia_krent
| biblia_neva = Koxelet neva
| blokey_blokey = 10<sup>-eaf</sup> 
| blokey_abdueblokey = [[Biblia_Koxelet_Blokey09|Koxelet 9]] 
| blokey_radimeblokey = [[Biblia_Koxelet_Blokey11|Koxelet 11]] 
}}

[[Loma:Alkakrent|Koxelet Blokey10]]
[[Loma:Biblia|Koxelet Blokey10]]

[[ru:RU_Biblia_Koxelet_Blokey10]]