Wira va klita ke Biblia Koxelet Blokey12

==Koxelet neva, santoleaf blokey==

<div class="text">
<ol>
<li> Vexe va rinaf redusik bak jotugalaf vieleem setikel,
<br /> abdi da vielaj yo fepoad
<br /> ise ilana se vanad viele kalitil : jin me puvegú ; </li>
<li> abdi da awalt is afi 
<br /> is tael is bitej yo tuorikawed,
<br /> ise da rujod yo radimi muvara tolpid, </li>
<li> ugal viele monasusik skotcar,
<br /> viele poik tulivawer,
<br /> viele tugoasik ten tugoar kire cuer,
<br /> viele tan disukes kan dilk zo tuorikar, </li>
<li> viele tuvelurifeyeem keve nuda zo fenkur
<br /> viele lor ke gatcewa tuomawer,
<br /> viele ba sveridank min ranhat,
<br /> viele kota yikya ke dank tuaxawer, </li>
<li> viele ontinaca zo craker,
<br /> viele min lanison zo tuvudat,
<br /> viele soyoraal imwer,
<br /> viele jaya turusagawer,
<br /> ise viele vuritc mea tegir,
<br /> kire ayik van intafa parmafa oga mallanir,
<br /> ise boresik yo va nuda koolanid ; </li>
<li> abdi da dilgavawazdelam iliksantuwer,
<br /> ise moavatrig empawer,
<br /> ise muktu moe klita joawer,
<br /> ise krafol moe bukelta arbewer ; </li>
<li> abdi da goa ko tawa dimpir, milinde tiyir,
<br /> ise swava van doziliyis Lorik dimpir. </li>
<li> Greciaca vanmiae greciaceem, Koxelet kalir, kotcoba tir greciuca. </li>
<li> Valev da Koxelet tiyir proyik, va opa pu sane dere va jontiki restali al taver ise al rinder ise al bralar ise al tuaftar. </li>
<li> Koxelet al sugar da va agralafa pulva se trasir ; ise ronkaf kaliks yo tid ageltucafa pulva se. </li>
<li> Pulva se ke proyik tid dum iwaz yo ; ise kabelcayana ko larm, tid dum taplekuyuna cepta se, ziliyina gan tanoy feliik. </li>
<li> Ostik, nasbeik, male batcoba ravel ; ede kontan va jontika neva co-djumaskir, me co-tenuketer, ise vayarapa tir altocuera. </li>
<li> Va dewitcatena terktat : Va Lorik kival ise va inafa dirgara se tarkal. Kottan va batcoba gonaskir. </li>
<li> Kire Lorik ta malhera va kota tegira statar, icde preyutana kiewafa ok rotafa kotcoba. </li>
</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Vulgate siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla = 
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2001
| webesik = [[Favesik:Troubadour|Troubadour]]
| krentduga = [[Image: 75%.jpg]] Gotuenana
| kseva1 = #E23030
| kseva2 = #FF7979
}}
|}


{{Teza:Biblia_krent
| biblia_neva = Koxelet neva
| blokey_blokey = 12<sup>-eaf</sup> 
| blokey_abdueblokey = [[Biblia_Koxelet_Blokey11|Koxelet 11]] 
| blokey_radimeblokey =
}}

[[Loma:Alkakrent|Koxelet Blokey12]]
[[Loma:Biblia|Koxelet Blokey12]]

[[ru:RU_Biblia_Koxelet_Blokey12]]