Wira va klita ke Ede tir ayik Tozezla

==Tozezla==

<poem>
Rin wiyanhon blis
Idulon koe intafa mona,
Rin sielon trasis
Va egayana azega is yona nafa gexata.
Krafial ede tir ayikye
Tan koe dibla kuncas,
Va meka tildera grupes,
Va begki lhumas,
Golde ene ok mee awalkes.
Krafial ede tir ayikya
Tan tis yoltiskaf is usukiskaf
Is dace poiskaf gu setikera,
Ton vlardaf iteem is fentafu mou
Dum salma bak fentugal.
Kobral da batcoba sokiyir,
Va batyona pulva en setikel !
Koe intafa takra vaon gretcal,
Deneon ok kooon trakul,
Komodeson, divmodeson ;
Pu nasbeik tolkalil !
Edeme rinafa mona atitsur,
Akola va rin anhar,
Nasbeik va rin taruter !
</poem>

|style="vertical-align: top;"|
{{Krent_Iyelt2
| xanto_vergumvelt = '''Se questo è un uomo'''
| xanto_sutesik = [http://www.kotava.be/xadola/pmwiki.php?n=Rekluexo.PrimoLevi Primo Levi]
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Italiava Italiava]
| xanto_evla = 1947
| kalkotavara_vergumvelt = Ede tir ayik
| kalkotavara_kalkotavasik = Sabrina Benkelloun
| kalkotavara_piskura = -
| kalkotavara_evla = 2008
| kalkotavara_klita = -
| webesik = [[Favesik:Sab|Sab]]
| krentduga = [[Image:100%.jpg]] Tuenayana
| kseva1 = #A7803B
| kseva2 = #F5C36B
}}
|}


[[it:IT_Ede_tir_ayik_Tozezla]]

[[Loma:Berpot]]
[[Loma:XX-eafa decemda]]
[[Loma:ItaliavaSuteroteem]]
[[Loma:Levi (Primo)]]
[[Loma:Sutesik-L|Levi (Primo)]]