Wira va klita ke KanakafaVunda Yikyeem ke Owie

==VIII : Yikyeem ke Owie==

Kas skaelora tidunisa tir ? Kas pargiimwa krafolmena gan suka ? Me, batse yona batakafa bruxa sonamba va inaf usuk gan kota yikya ke Owie.

Nutid lodebeltafa dam miel, yikya ke Owie.

Va kapadanka egac, ey yikye ! Batse aguntanik moe ventadatca ; sin pu danka ke onasik sumuon dodulzed.

Moe domega ayikya va sint belcad ; ayikye moe bira tigid. Ina tir kotrafa gu guema nutisa loror.

Dankac, ey onasik ! guema va rukomeem ludzer ; ta tufa malnir.

Kabayap dem kralkeem betawes dum rukom drum lava welver.

Biraperake moe domega grutcion sespawer ise oretlakabay, ebeltaf vanmiae yona kerafa drakgama, walwiwer.

Welfa imwawer ise mu nazbeikeem ke grelteem dem kulaca tukotrawer.

Ta konarira, kontan anton gonebler ike ko rukom va int govekabur ike va int gokoguemar oke mal domega gozmintakabur.

Ayikya, dendason va diuz dem gamiaf mam mo sid ok fasiason va piagama, va dank dositad.

Awalt kadim meftava griawir ; frineson va domega oreem ier : bartiv tir zeitaf ise swava irubasa leve rukom ko dona va kabay platid.

Nic, nic, bagafa guema, dona dem kulaca adeed ! Tazec, malyafa zminta va tuawalkasa bakara ! nume grelt kalipon mea aeler !


{{Krent_Iyelt_KanakafaVunda_1
| vunda_vergumvelt_FR = Les filles d'Owié
| vunda_vergumvelt_AVK = Yikyeem ke Owie
}}


{{Michel_KanakafaVundaSe_krent
| kuda_vergumvelt = VIII : Yikyeem ke Owie
| kuda_abduekuda = [[KanakafaVunda_Batakik|VII : Idara katcilikya]] 
| kuda_radimekuda = [[KanakafaVunda_Kanakafa tidlavara|IX : Kanakafa tidlavara]] 
}}

{{Teza:Krent_Iyelt_KanakafaVunda_2}}
[[Loma:Michel (Louise)|Kanakafa vunda : Yikyeem ke Owie]]
[[Loma: Kanakafa vunda|Kanakafa vunda : Yikyeem ke Owie]]