Wira va klita ke Kongofa kurera

==Taneafa bora== 
Ta da kali kurerafipta artpir, rena wal yikeem tir adrafa. Yikye icde intafa renara va yikya is djukurera va gadikye givar. Gadikye pu nasbeik toz erur tokkane in va kurenik gruviunsunyur : ''songa tula muan’ama''. Yikye gowazder da tir eganyanafe. Gadikye va gadikyafa yasa ke nasbeikye icdeon walzer : ''n’kazi ze kaanda''. Mali tuacawera da icde kurera mek pouks (kandu) wal yaseem tir, ta erura (''n’kanda longo'') va nuba ke yikya pu gadikye, frezaceem zo narar. Koe widava, batvielon, icle 200 US$ is whisky tirac zo goloplekud. Ta da tir lananyaf da varze yikyefa yasa mek pouks geltron krulder, yikyaf gadikeem dere kogrupar. Vexe ta dulzera ugalsur. Nelkon, yikyefa yasa larver ise ta erurasledara grustawer. Icde erurasledarafa xialara. Yikye va yikyafa yasa evladrageson walzer. Kire, sedme kongofa kardjoura : ''Nkanda ka wu mananga mambu ko, luiza tomonana meso''. Ba erurasledaraviel, yikyefa yasa va toloy tiracap dem ''nsamba'' ok ''lunguila'' ok bam toloy yult dem ekot ok botulida vanburer. Taneaf ta da den veygadikeem kolanir voxe toleaf enide dandapebur (''n’kotolo ku lumbu ye ndandilu n’kanda''). Bam wal toloya yasa atoera va ''m’vila'' dilizer. Dulzeks ke yikyafa yasa fereon tir : ''lulambila mazi e maza fuki'' (til soriaf enide va kurenikya naril abdi da gaverson titil). ''Kinzitikila'' (loyeerba, kare dana ''n’kombo na unzitikila, bonga saki ovana'' (viele ben wazdel deaxol zo ebidur, zo gogestur) bam zo zilir. Kali bulkara va askaleinda lize bueleksadraceem is erbavoda zo bazed, skeda wal toloya yasa kan staksesik ok twa trenar.

|style="vertical-align: top;"|
{{Krent_Iyelt_Kotava
| xanto_vergumvelt = '''Kongofa kurera'''
| xanto_sutesik = Bruno Cordelier
| xanto_piskura = -
| xanto_ava = [http://www.kotava.org/index.php Kotava]
| xanto_evla = 2006
| webesik = [[Favesik:Bcordelier|Bcordelier]]
| krentduga = [[Image:75%.jpg]] Gotuenana
| kseva1 = #FFFF80
| kseva2 = #FFFFC0
}}
|}

[[Loma:Prostewa]]
[[Loma:Prostewafa kurera]]
[[Loma:Nega]]
[[Loma:Kotavaf sutesik|Cordelier (Bruno)]]