Wira va klita ke LaFontaine Kudeem Persaal is Edgarda

==Persaal is Edgarda==


Konviele pu Edgarda Persaal kalir :

« Va Tuwava rin ronumanhal ;

Sedme rin sverimi tir pornap.

Sukama,

va lavawelma xuyavon plozasa,

Va rinafa taka tuomar :

Wori jinafo jo, oltavafo dam Kavkaz,

Me anton va awaltolha se azavzar,

Dere va zivotcfo lurskar.

Kotcoba sedme rin tir Aquilon volse sedme jin Zefir.

Icle ede rin al nasbalayal vleve toyeem

Kan dan va vegungaxo modivatcé,

Rin me lion co-mejel :

Kev xefto va rin co-rojú ;

Vexe ferepon nasbalal

Kene abdafa doma ke Sukagazaxo.

Dolge rin Tuwava nuvelanhar enmalhafa.

- Rinafa forndara, pu in Aalam dulzer,

Kou peztakanha tir; vexe vaon ten trumal.

Tori jin leon dam rin suka tir crakefa.

Soawé volse joawé. Kalion

Kev inafa vordavaja yo

Me gesoason rin al acagil ;

Vexe va tena ket ! ». Va batcoba kalison,

Artu zida yatkon vanvulter

Tel lodeaftaf nasbeik

Kalion nasbayan gan Lenteka.

Aal rur ; Edgarda soawer.

Suka tolsugar,

Maneke di divzaetawar

Va tel digiyis va keltvlevefa taka

Vols Awalkikgazaxomoef nugeem.


{{LaFontaineKudeem_krent
| kuda_vergumvelt = Persaal is Edgarda
| kuda_abduekuda = [[LaFontaine_Kudeem_Idatcol_is_Namuloloc|Idatcol is Namuloloc]] 
| kuda_radimekuda = [[LaFontaine_Kudeem_ Awalk_is_Copik|Awalk is Copik]] 
}}

[[Loma:Kuda]]
[[Loma:Ezla]]
[[Loma:XVII-eafa decemda]]
[[Loma:FrancavaSuteroteem]]
[[Loma:La Fontaine (Jean de)|Persaal is Edgarda]]
[[Loma:Sutesik-L|Persaal is Edgarda]]
[[Loma:Kudeem ke La Fontaine|Persaal is Edgarda]]