Wira va klita ke Maldoror Dank01 Food03

==Taneaf dank, bareaf food==

Art konaka conha exoneté inde bak taneafa kalablirafa tanda se Maldoror ve tiyir kiewaf ; batse tir. Azon ve sonkeyer da al nasbalar ikoraf : zultafa baliuca ! Va adala loeke jontiktandon ve palseyer ; vexe tenion, golde mana intafa voltuwavafa istawera, kotvielon fortey takatidayar ; kali da grutabison va mana blira, va rotuca ve koklepayar… zijnaf alpoz ! Toktan co-kaliyir ? viele va raltukagexatakiraf velik in tcorkutcayar, kan tipokesiki va inaf tcoreem co-djusoltiolteyer, ise ferepon co-askiyir ede Malherot kan intaf tigeemap vaon abdiweyonayar. In me tiyir rotuxas, va ageltuca welidayar ise kaliyir da tiyir udutaf. Ayikeem, al gildel ? Kan bata skotcasa bruxa in ebler da tolkalir ! Batdume, tir gijarotiaca lopofa dam kuranuca… Rotapstara ! Rapor sol sidpomwa va int co-djusolimpar ? Volrotisa. Volrotisa, ede rotuca do kiewuca va int co-djuvangluyar. Tir jinafa coba abdion kaliyina.

{{Maldoror_krent
| dank_otuk = Taneaf
| dank_abduefood = [[Maldoror_Dank01_Food02|2-eaf food]]
| dank_food = 3-eaf 
| dank_radimefood = [[Maldoror_Dank01_Food04|4-eaf food]] 
}}

[[Loma:Ezla]]
[[Loma:XIX-eafa decemda]]
[[Loma:FrancavaSuteroteem]]
[[Loma:Lautréamont]]
[[Loma:Sutesik-L|Lautrémont]]
[[Loma:Maldoror]]