Wira va klita ke NyagaceemScapin Nakileem02 Nakila08

==Toleaf nakileem, anyusteafa nakila==

''Octave'' : Ex Scapin ! Kas mu jin al lajupaskil ?

''Léandre'' : Kas ta giwara va jinafa argewesa renara va koncoba al askil ?

''Scapin'' : Batse tol-decemoy erbolkam levimpayan gu rinafe gadikye.

''Octave'' : Ax ! Va mana daava pu jin zilil !

''Scapin'' : Voxe mu rin va mecoba al lajupaskí.

''Léandre'', ~ djumallanir ~: Kle fu gonawalké ; ise blira tir dulapiskafa ede Zerbinette gu jin zo deswar.

''Scapin'' : Xolo, xolo ! Vion. Fotce maneke kalion fil !

''Léandre'', ~ rwoder ~: Tokinde fu vanpí, sedme rin ?

''Scapin'' : Benje ! Va rinafa arienta gí.

''Léandre'', ~ dimlanil ~: Ax ! Va bli pu jin dimzilil.

''Scapin'' : Vexe kredeon ede va jaxadarama mu jin kev rinafe gadikye konovel, ika inafa askiyina  randayera.

''Léandre'' : Va kotcoba rinon djumetena.

''Scapin'' : Lente vrutasik abdiplekul !

''Léandre'' : Gue.

''Scapin'' : Gil ! Batse alub-decemoy erbolkap.

''Léandre'' : Ta lustera va jinafa sontenikya wiluon lanit !

{{NyagaceemScapin_iyelt}}


{{NyagaceemScapin_krent
| nakileem_otuk = Toleaf
| nakila_nakila = 8<sup>-eafa</sup>
| nakila_abduenakila = [[NyagaceemScapin_Nakileem02_Nakila07|7<sup>-eafa</sup> nakila]] 
| nakila_radimenakila = [[NyagaceemScapin_Nakileem03_Nakila01|3<sup>-eaf</sup> nakileem]] 
}}

{{NyagaceemScapin_lomeem}}

[[fr:FR_NyagaceemScapin Nakileem02 Nakila08]]