Wira va klita ke NyagaceemScapin Nakileem03 Nakila13

==Bareaf nakileem, ironokafa nakila==
''Scapin'' ~ vanburen gan toloy ayik, is ton gritakirafa taka dumede al zo bakapayar ~: Ax, ax ! Weltik,  va jin wic… Ax, va jin ton divulaf sok wí. Ax ! Me djumawalké abdida pu kottan jinon rokantayan al ixedá.  Ax ! En, weltik, abdida va tela ironokafa repalera di ilnarí, cugeke bliké da gu ins ok volins jinaf  rotureem va rin ixec, ise nelkon Argante jiomik isu Géronte. Ax !

''Argante'' : Luxe jin, ixé ; lanil, dilion awalkel !

''Scapin'' : Va rin cugeke al kantá, peyason…

''Géronte'' : Me loon pulvil, dere ixé.

''Scapin'' : Al tí rulokapaf, jinyona peyara…

''Géronte'' : Va batcoba isket.

''Scapin'' : Awalkeson, kranaversé, golde jinyona peyara va…

''Géronte'' : Lorik ! Stivawel !

''Scapin'' : Va jinafa volfikuntafa peyara…

''Géronte'' : Stivawel, pu rin kalí, va kotcoba ilsetiké.

''Scapin'' : Kax ! Mana vonaca ! Vexe kas djumepeson, weltik, va jinyona peyara ixel ise… ?

''Géronte'' : Ex ! Gue. Va batcoba mea pulvit. Va kotcoba ixé, batinde.

''Scapin'' : Ax ! Weltik, mali bata pulvira pesté kiazayan.

''Géronte'' : En. Vexe ixé ede awalkel.

''Scapin'' : Tokcoba, weltik ?

''Géronte'' : Va int co-tarizá ede co-givawel.

''Scapin'' : Ax, ax ! Axaca va jin gire narid.

''Argante'' : Géronte jiomik, mu minafa daava, mekredason gonixel.

''Géronte'' : Acke.

''Argante'' : Lanit aze belcon sielestut enide va puve loeke di grivutet.

''Scapin'' : Luxe jin, art azega zo buré, keson da awalké.

<center>TENA.</center>

{{NyagaceemScapin_iyelt}}


{{NyagaceemScapin_krent
| nakileem_otuk = Bareaf
| nakila_nakila = Ironokafa
| nakila_abduenakila = [[NyagaceemScapin_Nakileem03_Nakila12|12<sup>-eafa</sup> nakila]] 
}}

{{NyagaceemScapin_lomeem}}

[[fr:FR_NyagaceemScapin Nakileem03 Nakila13]]