Wira va klita ke Tel Rotik dank 01

==Taneaf dank==
<poem>
Va tel rotik !
Toktan va tel rotik gruper ?
Va tel rotik ! Denon, tel rotik me zo gruper !
Ede kalafa kurera zo joar ?
Tir golde tel rotik.
Ede milgafa renara zo empar ?
Tir skura ke tel rotik.
Ede berik va sint seled ?
Djay ! Tir skura ke tel rotik.
Zijnafa naca zo joar ?
Ex ! Tir gan tel rotik.
Kurenhera zo griaskir,
Tir gan tel rotik.
Gildunhura ke nasbeikeem is gadikye mea tir,
Me tir golde tel rotik ?
Gildunhura ke nasbeikeem is gadikya mea tir,
Tir skura ke tel rotik.
Dolerayera zo tatcer,
Tel rotik al walpir.
Gildura ke vuwikeem zo empar,
Tir gan tel rotik.
Gildura ke berikeem zo empar,
Tir gan tel rotik.
Gejagoa zo teyar,
Volkalaca artar,
Jontika iepera zo gilded,
Gael demon zo tukotrar.
Arubac ! Sa mea tir.
Kota gadikya brer !
Kax ! Jinaf gadikyaf koepak !
Takapa zo gaber ise sol bergapa zo solparsar,
Dajken budik tir eaftaf.
Okol zo fexar.
Okol zo basfexar.
Tan tid flintaf, artan ilblid.
Awalkik me soborer, ise me dimpir.
Ayik va nuxik me zinulal !
Metan va nuxik zegar.
Mevunucaja ! Merodivana debala !
Ayik rotion gu artan. Sa mea tir !
Dace widapa ede megildura koeon gazar,
Rawawera tanvielon titir !
Dace aalap va aalxo me miltar.
Iet, iepet, arubat !
Yona polasa melanaca !
Gadikiskik al awalker.
Awalt va ayik koartokar.
Voxe va inaf yolt me koartokar.
Budik borer, ikuza me traspud.
Krodoet voxe koe kaikexo min me rokrodoetet.
Awalk va kulaf ok wawaf metan sokayder.
Awalk va levetirik me sokayder.
Denon va nuyik me sokayder.
Kot listaf budik al xonukad.
Tokliz kota listikya al lanid ?
Daavon kapat !
Koe ara tamava meka kapa.
Toktan va bat degrik al toldivmodar ?
Kas va ranhes Tel Rotik batlize me wic ?
Va tel rotik !
Kle toktan va tel rotik batlize gruper ?
Va tel rotik !
Va tel rotik vol grupet !
</poem>

|style="vertical-align: top;"|
{{Krent_Iyelt
| xanto_vergumvelt = '''Mɔkɔ juku'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Bamanava Bamanava]
| xanto_evla = -
| kalkotavara_vergumvelt = ''Tel Rotik''
| kalkotavara_kalkotavasik = Abdoulaye Coulibaly
| kalkotavara_piskura = -
| kalkotavara_evla = 2008
| webesik = [[Favesik:Soundiata|Soundiata]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}
|}


{{Tel_Rotik_krent
| luz_luz = 1<sup>-eaf</sup>
| luz_radimeluz = [[Tel_Rotik_dank_02|2<sup>-eaf</sup> dank]]
}}

[[Loma:Vunda ke Afrika|Tel Rotik]]
[[Loma:Bamanavaf reiz|Tel Rotik]]
[[Loma:Ayoltaca yo|Tel Rotik]]
[[Loma:Tel_Rotik (Bamanavafa kuda)|Tel Rotik (Bamanavafa kuda)]]

[[bm:BM_Tel_Rotik_dank_01]]