Wira va klita ke Abu Nuwasi va intafa mona doler

{{TextQuality|75%}}

<div style="margin-top:1.2em;font-size:140%;">
<center>'''Abu Nuwasi va intafa mona doler'''</center></div>
<center>''Kenyafa kuda''</center>

{{Krent_Iyelt
| xanto_vergumvelt = '''Abu Nuwasi vend sa maison'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Swahiliava Swahiliava]
| xanto_evla = -
| kalkotavara_vergumvelt = Abu Nuwasi va intafa mona doler
| kalkotavara_kalkotavasik = Bruno Cordelier
| kalkotavara_piskura = -
| kalkotavara_evla = 2007
| webesik = [[Favesik:Bcordelier|Bcordelier]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Abu Nuwasi mu int va vegemkirafa mona al vegeduyur. Al gorayar da koe sidot irubar nume pu dolekik va vegem al doleyer. Arti konaka tanda ve gorayar da ta blira koe abrotcafa widava va mona bulur.

In pokoleyer da dolekik ixam digis va vegem, va dolera va intaf sidot co-naler. Batcoba co-nover da Abu va warzafa mona arlize rovegedur. Vexe totcidaf dolekik va dragera ke Abu Nuwasi ve vewayar. Trakuyur da Abu va lustesik me di co-trasiyir nume co-bulutur ise va zavzaks ke mona faston co-isketer.

Radimi warzafa yawajara ta parloera va dolera va mona do dolekik, Abu ko widava ve mallaniyir. Do san-toloy ayik diveon zavzas dimlaniyir. Ve tidlaniyir ta da va dolekik wir aze kaliyir : « Va rin walzé, oye da va dolera va jinafi monaki al rodjé, va konak ayik pomatas va jin ta inafa vilara su kokobá. Va batcoba opelon djukalí ta da va giwara va rinafi monaki rotaskil.

Denon dolekik ve boybetayar nume kare tozafo dro va lustera va sidot ve gorayar. Abu va widava bam robuluyur dum al abdiwiyir.


[[Loma:Kuda]]
[[Loma:Vunda]]
[[Loma:Vunda ke Afrika|Abu Nuwasi va intafa mona doler]]
[[Loma:Ayoltaca yo|Abu Nuwasi va intafa mona doler]]