Wira va klita ke BM Tel Rotik dank 04

== Dɔnkili naaninan ==

<poem>
Mɔkɔ juku !
Jenni ye Mɔkɔ juku lɔn ba ?
Mɔkɔ juku !
Njaka ! Mɔkɔ juku tɛ lɔn na ! 
Wojumalon sɔkɔma,
Mɔkɔ juku sorida poï ka wili,
A d’a ɲa lako
K’a sen mako, 
K’a bolo mako,
K’ale ye mori di, k’i kun li.
K’ale tuubilen ye,
Ka sakawolonin ta,
K’i sik’a ya lukɛnɛ m’a,
Sibon da la k’i seli : 
‘Al’ a fɔ k’i biri : 
Moso k’i la la la, i la’
K’a y’a kɔrɔsi labɔ :
‘Cɛ ma n kɔrɔsi, 
Moso na n kɔrɔsi,
Moso ma n’kɔrɔsi,
N yɛrɛ n kɔrɔsi.’
Njɛbɛrɛnin nara vɛyɛvɛyɛ
A k’o ma : ‘N teri Mɔkɔ juku, i sɔkɔma !
Nba, i sɔkɔma ! 
Dɔlɔnin cogo di de ?
Don so kɔn’i k’a rɔgwɛ.
Njɛbɛrɛ donda.
A de koronin ta,
K’o tunu dɔlɔ rɔ,
K’o fa min.
K’a fɔ : I ya dɔlɔ kɛ di kosɛbɛ ! 
A y’i kurundu
K’i biri dɔlɔfaga jukɔrɔ ɲɛku !
Syɛnin nara
A ko : ‘N teri Mɔkɔ juku, i sɔkɔma !’
Mandeman !
Dɔlɔko di bɔ ? 
A ! N fa, ne na n na dɔlɔnin dɔbɛn,
Njɛbɛrɛ nalen tɛ ba 
K’i da juku tur’o dɔ ?
F’i man’ a da tɔnin dɔgwɛ sa kɛ !
Han ! Njɛbɛrɛnin bolo !
Njak’a dɔlɔko dô na diya bi yo !
A bɛ minni ?
A bugulen tɛ faga ju fɛ yen ?
Syɛ donda
Njɛbɛrɛ yel’a f’a di kan to :
‘Ah ! Njɛbɛr’i d’i gwalo ye !’
a y’a sogin k’a fɛrɛfɛrɛ
k’a lakunu paki !
syɛ dɛ koro fa k’o min
k’i bugun myɛ faɲan jukɔrɔ
Mɔkɔ tɛ syɛ c’a taman dɔ k’a ɲa kɛ hakɛ to.
Kolonkari nada.
A ko : ‘ N teri Mɔkɔ juku lee,
Keni hɛrɛ sira ?
Mɔkɔ juku ko : ‘Hɛrɛ.’
Dɔlɔninko cogo di dun ?
Ah ! n fa !
Syɛ sorilen tɛ ka n’a da juku turu
N na dɔlɔ dɔbɛn’n koɲuman d’e ɲɛ ba
K’o kɛ fisa e da ma ?
Ehe ! njaka ! a dɔlɔko na diya !
Syɛi bɛɛ y’a jam’a rɔ !
A ye minni bi ?
‘A bukulentɔ di bokuyo
Faɲan jufɛla dɔ yen.’
Kolonkari donda,
Sufɛ wɔlɔlɔ
Tilefɛ mɔlɔsi
A d’i dɛrɛ syɛ kan gwaraw :
Kaarɔ ! kaarɔ ! N k’a rɔ ! N ye n k’a rɔ !’
Wo d’o kan kɛri gwaraw 
K’o ɲimi fɔlɔmannin.
A dɛ koro fa dɔlɔ dɔ k’o l’i kan
K’i buku faɲan ju fɛ mɔku !
Dosokɔrɔ y’o nɔ kan ka na.
Bi kɛ jan, sini kɛ jan
ɲaa ɲaa ! ɲaa ɲaa !
Dosokɛkɔrɔ ko :
N teri Mɔkɔ juku, i sɔkɔma
Marahaba, n teri !
Dɔlɔko di ?
Ah ! N fa ! 
Kolonkari nalen t’a da juku turu a dɔ ba ?
K’o rɔtiɲ’e ma ?
Awa ! kolonkari bolo ?
Ɲadonnaba ! A ye minni bɔ ?
A birilen tɛ faɲan jukɔrɔ
Yen bi gwɔkisɔ ?
Wulu donda bon kɔnɔ
K’i bi ka kolonkari birilen sɔrɔ
K’i j’o kan, k’o kan kɛri warawu !
K’o ɲimi-ɲimi kɔrɔ !
A dɛ koro ta k’o fa dɔlɔ rɔ,
K’o min k’i kan to :
‘ N teri Mɔkɔ juku, dɔlɔ don kɛ di !
Wulu d’i yɛlɛma k’i la yen.
Ɲɔnkerin srusru ka na 
A ko : ‘N teri Mɔkɔ juku, i sɔkɔma !
Nba, i sɔkɔma !
N nalen dɔlɔko rɔgwɛ la.
N teri bolokalan
Wulu na ɲadonnaba k’e la : 
Wulu nal’a da juku 
Turu d’o dɔlɔ duman dɔ n’e ma na.
A ye yila jenni ?
A y’o di so kɔnɔ.
Fɔlɔkɔ d’i pan prɔɔ !
Kur’i sonsoron.
Bondakun da kan,
Ka wulu ye,
K’i ton wo kan gworo !
K’o rɔfara fɛsɛfɛsɛ.
A dɛ koro ta
K’o fa dɔlɔ rɔ, k’o min
Warakalan y’i la so kɔn’iko
K’a ɲa wusu iko sikilolo fila.
Cu-cu ! cu ! Nama nara,
Ka foli kɛ k’i siki.
Kunkotiki nara,
Dankalan nara, nkɛɛrɛnin nara ;
Woï bɛɛ ɲɔkɔn kɔ.
U bɛɛ dɛ Mɔkɔ juku fo.
Mɔkɔ juku d’u lamina,
A k’u ma :
‘Bisimilayi ! Bisimilayi !
N teriɲɔkɔnlu,
Aï bɛnd’aï sen ma : dɔlɔnin n’aï bɔ.’
U bɛɛ d’i siki.
Nkɛɛrɛnin d’i kan to :
‘Eh ! Mɔkɔlu !
A dɔlɔmin dɔ jɔrɛ ne la ;
An kɛ k’an fabeli
An bɛɛ k’an tana fɔ ɲɔkɔn ye,
Fɔ kɛlɛ kana b’a rɔ dɛ !
Tɔï d’o min’o da la :
E fɔlɔ k’i tana fɔ !’
Nkɛrɛnin ko :
‘Ne tana tɛ foyi foyi di,
Jɔ n’dɔ kɔ
N kɛ dɔgɔ bɛdɛ haali
Nka si kana jɔ n dɔ kɔyi :
Bonya kɛ di fɛndɔgɔn dɔ.’
Namakɔrɔ ko :
‘Ne ɲakisɛ fila le kɛ gwɛlɛn n ma,
N na yelikɛfirinan fil’oï di su fɛ : 
Buguri kana k’oï rɔ !’
Bolokalan ko :
N ko : n bɛ na yan tuma min, 
Ne walen n biranmoso ya birifinikalan sing’a la
Mɔkɔ si kan’o nɔgɔ fyewu,
N tana bɛ o di.’
Tutu Dankalan ko :
‘Fɛn min bɛ gwɛlɛn ne ma, 
O n biranmoso ya konnɛgɛnin di
(Fɛn jenni gwɛr’a ku kɔ) 
O n’o kɛrifa n ma
Ko n k’a mara kosɛbɛ :
Mɔkɔ kana mak’o la dɛ !’
Jara k’o banni
Cɛmɔkɔba tana man siya : 
Mɔkɔ kin’i ɲa wusu n ɲa rɔ !’
Mɔkɔ juku !
Aï tɛ Mɔkɔ juku lɔn ba ? Mɔkɔ juku !
Njaka ! Mɔkɔjuku tɛ lɔn na.
Jenni ye Mɔkɔ juku lɔn ba ?
Mɔkɔ juku !
Njaka, mɔkɔ juku tɛ lɔn na !
Mɔkɔ juku !
Aï tɛ mɔkɔ juku lù‹n ba ?
Mɔkɔ juku !
Awa ! Mɔkɔ juku tɛ lɔn na !
</poem>

[[avk:Tel_Rotik_dank_04]]