Wira va klita ke Vunda va Kara-Mori

{{TextQuality|75%}}
<div style="margin-top:1.2em;font-size:140%;">
<center>''' Vunda va Kara-Mori'''</center></div>
<center>''Mongolafa vunda''</center>

{{Krent_Iyelt
| xanto_vergumvelt = '''La légende de Kara-Mori'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Mongolava Mongolava]
| xanto_evla = -
| kalkotavara_vergumvelt = ''Vunda va Kara-Mori''
| kalkotavara_kalkotavasik = Sabrina Benkelloun
| kalkotavara_piskura = -
| kalkotavara_evla = 2007
| webesik = [[Favesik:Sab|Sab]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}

Lekepon tiyir wawaf namulolsusik anton digis, wetce tanaf nik isu tufa, va okolam yoltkiraf gu Kara-Mori.

Bat okolam belcon tiyir gruf is takrelaf is kaliaf. Va namulolsusik pomayar maneke battan vaon mea rofiander.

Vexe konviele okolam va blitena ve kalayar. Namulolsusik zavzas merovinun golde xonukanaf okol bam gorayar da va inafa setikera tugronatar.

Va kofigasa inta ke vof aal, ke erfumtaal, ve nariyir nume va dingeltalto kanon askiyir. Kan rumiya ke okolam va nubelt ve askiyir. Naavon ic nubelt va listafa taka ke intaf okolam balumayar. Faveson va abrotcaf aultaf yinax yo, va wazdeleem ke lexusiki is tel ke celhom iayar.

Dingelt tenuyun, namulolsusik toz lexuyur. Divawes mam yo tiyid karaf is tamaf maneke namulolsusik zo tudaavapayar ise zo vinumuyur.

Namulolsusik kan intaf cugunaykaf dingelt abicabicon lexuyur. Kotlize koolaniyir, doon bureson va setikera va okolam, va daava is kaluca vanbureyer.

Batdume, kot mongolik va mani lexusiki silukon djudigiyir. Sin setikeron gu Kara-Mori kan Morin Xuur vaon ve yoltayad.


[[Loma:Kuda]]
[[Loma:Vunda]]
[[Loma:Vunda ke Mongola|Kara-Mori]]
[[Loma:Ayoltaca yo|Kara-Mori]]