Wira va klita ke Xanta ke Tamava

{{TextQuality|75%}}
<div style="margin-top:1.2em;font-size:140%;">
<center>'''Xanta ke Tamava'''</center></div>
<center>''Polinesiafa vunda ke Rapa Nui ewala''</center>

{{Krent_Iyelt
| xanto_vergumvelt = '''L’origine du monde'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Rapanuiava Rapanuiava]
| xanto_evla = -
| kalkotavara_vergumvelt = Xanta ke Tamava
| kalkotavara_kalkotavasik = Sabrina Benkelloun
| kalkotavara_piskura = -
| kalkotavara_evla = 2007
| webesik = [[Favesik:Sab|Sab]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}

Xanton sotiyir Tangaroa, kotredus lorik.

Koe mielak celemdon zavzayar, dum kes va tel gemeltanh. Kruldes vomi tamava, va int miv al reduyur ise va int al yoltayar. Meruldesi koeti, intaf kuld tiyir dum ato koe vlarde solhaliziso. Keskeon, mecoba sokruldeyer : me tadava mei bira mei tael mei bitej… Mecoba !

Azon ve gorayar da tiyir gemelt ta da redur ise mea tir antaf : ve kuldariseyer.

Taneon va Tawava rundana ist redune Tame ve askiyir.

Azon, va int ve botceyer nume intaf bruxeem, dum tel ke sverioc, mo warzafa tawava luvason ve lubeyer nume va ruxeem ve nasbayar. Va bato ato Make Make dere ve divlaniyir. Pu battan lag va gandura va zavzaks ke tamava ve zo gayar.

Make Make boreon toz kobayar nume va ayikeem ve reduyur. Ayik yo divtawaweyed dum ruxa se. Azon, kan faytawey tubodason va tawa, va pomatas is vegetes toleodaf lorik yo ve nasbayar.

Batinde Make Make ve vanpiyir tel Lorik ke Rapa Nui. Ta tulecara va zolonuca ke Rapa Nui ewala koe bata warzafa tamava, va gasitaf is anamkaf rapor ve aykayar. Kan « Te Pito o Te Henua » (Tamavavurko) va bat rapor ve yoltayar.


[[Loma:Vunda]]
[[Loma:Vunda ke Polinesia|Tamava]]
[[Loma:Ayoltaca yo|Tamava]]