Wira va klita ke Xanta ke Wageyaal

{{TextQuality|75%}}
<div style="margin-top:1.2em;font-size:140%;">
<center>''' Xanta ke wageyaal'''</center></div>
<center>''Polinesiafa vunda se ke Tahiti ewala isu Moorea''</center>

{{Krent_Iyelt
| xanto_vergumvelt = '''L’origine du cocotier'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Tahitiava Tahitiava]
| xanto_evla = -
| kalkotavara_vergumvelt = Xanta ke wageyaal 
| kalkotavara_kalkotavasik = Sabrina Benkelloun
| kalkotavara_piskura = -
| kalkotavara_evla = 2006
| webesik = [[Favesik:Sab|Sab]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}
== Taneaf siatos ==

Lekepon, garfelafa aelakola va Tahiti co-apkayar. Korikeem va keratawa gonestuyur nume jontiktan mulufteyed.

Yasagadikye nakene gan brera ke nasbeikeem ko mevta ta sinka ve mallaniyir. Va bliga se konakvielon giopon aneyayar. Arte po, koe sumepafo xo va "fei" bilka adim ve kosmayar. Daavaf, va bilkagama pu yasikeem kalion vanbureyer vexe artlanison ve kosmayar da in tiyir awalkaf. Elimon disukeson, sonkeyer da yasafa awalkoda se va megrupenu tapleku yo nasbayad. Vaon di ropeyer aze kotawayar inde sin rotrenatad da atritid. Boreon wageyaal se vanmadaweyed ise vokliba se tiyid iltkirapafa. Bat wageyaal se va jontika inda bam nasbayad. Ugale Tahiti is Moorea tiyid guon kotrafa, ara wageya se kal ara ewala yo malpujeyed aze kali bat viel va int jonkayad.



== Toleaf siatos ==

"Anteyas Awalt" ayikye is "Keraf Bruxeem" kurenikya va baroy nasbeik anton dis va taka moion vanpitisa wageya nasbayad. Baroy battan va tadlenhen berik radimion diyid. Balemeik, vanpiyison milgaf, va berikeem di katanayar aze vaon di taplekuyur. Aal se atriyid maneke intaf toeem tumerowinaweyer aze sin va konaka wageyinda warzeyed. Min boreon di kosmayat da inaf ilteem tiyir favlapaf mu Ayik nume sin moe Tahiti is Moorea kotlize toz zo taplekuyud. Kota wageyinda noelon grupena koe ewaleem vaon co-malar.



== Koefi gluyasiki se ==
[[Vunda va wageyaal]] : ar siatos icde xanta ke wageyaal


[[Loma:Vunda]]
[[Loma:Vunda ke Polinesia|Wageyaal]]
[[Loma:Vunda ke Tahiti|Wageyaal]]
[[Loma:Vunda ke Moorea|Wageyaal]]
[[Loma:Ayoltaca yo|Wageyaal]]