Difference between revisions of "Kishimo-Jin"
(Buredura) |
|||
Ligne 46: | Ligne 46: | ||
[[Loma:Vunda]] | [[Loma:Vunda]] | ||
− | [[Loma:Vunda ke Nipona| Kishimo-Jin]] | + | [[Loma:Vunda ke Nipona|Kishimo-Jin]] |
[[Loma:Ayoltaca yo|Kishimo-Jin, tela velikestusikya]] | [[Loma:Ayoltaca yo|Kishimo-Jin, tela velikestusikya]] |
Version du 10:56, 4 saneaksat 2007
| ||||
---|---|---|---|---|
Vergumvelt | Kishimo-Jin | |||
Sutesik | - | |||
Piskura | - | |||
Ava | Niponava | |||
Evla | - | |||
| ||||
Vergumvelt | Kishimo-Jin, tela velikestusikya | |||
Kalkotavasik | Laurent Lermigny | |||
Piskura | - | |||
Evla | 2007 | |||
| ||||
Webesik | Kotavafamik | |||
Krentduga | ![]() |
Velikestusikya va gola kovudapayar kire bas mevofas gadikeem va rumeik yo guldeyer aze estuyur. Mancoba tiyir divulapafa larde bata ayikyaja miv tiyir gadik dem konak nasbeik…
Vielvielon, velik yo griawiyid voxe metan va koncoba rotaskiyir. Bam, kontan laniyir ta da va Buddha tujpastik wir aze va debala ve pebuyur. Proyik undenheyer aze va ekedacek dem zaday ve nariyir aze va in undeson ve nhaseyer. Levkipeyer. Va tcinera diyir.
Gevan sanestaksenik pu in va gonaskine ve eruyur.
– Va bat ekedacek dem zaday naril ise pok mona ke Kishimo-Jin iskel. Koeyeltayason va nasbeikeem ke velikestusikya illanil. Va tujpastaxe dimlanil aze vaon diveyeltal aze kel !
Akoyen vox dirnus staksenik va mona ke velikestusikya ve poklaniyir, icmilon dam tujpastik al eruyur. Vanfrinesa dakela ke zaday ko eyelt va nasbeikeem ke eaftikya vanimpayar. Viele eyelt ve tiyir kotraf, in ve budeyer aze laniyir ta da pu tujradik va inaf vaj kobilder aze keyer.
Yatkaf, Kishimo-Jin, va mona ve divlaniyir kire ba rozara intaf nasbeikeem va int me al nediyir. Bartiv yo anameayad voxe mek nasbeik va intaf pezam nediyir. Ve gorayar da va sin aneyar. Va varafa nuda se isu widava yo isu gola se remolaniyir, vexe van in mecoba piyir. Bam boresa gadikya gripokolenon ten aneyayar.
Bam tujpastik ve artlaniyir :
– Tokdume borel, Kishimo-Jin ?
– Jinaf nasbeikeem… sin al griawiyid… vaon meviele katrasití !
– Tetce, ikuzaturodal, ise va tel yo pis van rin wil... !
Kal inafa oblaka mokipera se artayad nume saipapaf Kishimo-Jin va intaf nasbeikeem wal meem licason kevon ve vanimpayar.
Batvielu Kishimo-Jin va velik ten malestuyur nume kev beta rosokisa volkalaca va kot sin sorubar.