- Tozion, Lorik va kelt is tawava reduyur.
- Tawava tiyir metazukafa is vlardafa : mielak welmon ice bup tiyir, ise swava ke Lorik va lava vamooayar.
- Lorik ve kaliyir : Afi tir ! Nume afi ve tiyir.
- Lorik wiyir da afi tinhiyir ; nume Lorik va afi sol mielak ve solparsayar.
- Lorik va afi wetce afiz is miel wetce mielak ve yoltayar. Batinde, siel sotir ise gazda sotir : ve tiyir tel taneaf viel.
- Lorik ve kaliyir : Wale laveem divatce tit nume lava sol lava zo solparsar !
- Nume Lorik va divatce ve askiyir nume vlevefa lava sol vamoefa lava ve solparsayar. Batinde ve tiyir.
- Lorik va divatce wetce kelt ve yoltayar. Batinde siel sotir ise gazda sotir : tel toleaf viel ve tiyir.
- Lorik ve kaliyir : Laveem vleve kelt ko tanoyo xo va int belcar nume rode awir ! Batinde ve tiyir.
- Lorik va rode wetce tawava is laveem wetce bira ve yoltayar. Lorik ve wiyir da batcoba tiyir kiewafa.
- Azon Lorik ve kaliyir : Va ruxa is faytaweyaf werd is grunasbalkes amidaf iltaal yo tawa warzer ! Batinde ve tiyir.
- Tawa va ruxa is faytaweyaf werd is grunasbalkes amidaf iltaal yo sowarzer. Lorik ve wiyir da batcoba tiyir kiewafa.
- Batinde siel sotir ise gazda sotir : tel bareaf viel ve tiyir.
- Lorik ve kaliyir : Ta solparsara va afiz sol miel koe keltxo afiak yo tid ! tis sugda yo solparsasa va sareeem is vieleem is ilaneem ;
- zanudasa va afiak se koe keltxo ta koafira va tawava. Batinde ve tiyir.
- Lorik va toloy afiakap askiyir, va tel logijaf ta afizara is tel lopinaf ta mielara ; va bitejeem dere askiyir.
- Lorik ko keltxo ta koafira va tawava vaon rundayar,
- ta mielara is afizara, is ta solparsara va afi sol mielak. Lorik ve wiyir da batcoba tiyir kiewafa.
- Batinde siel sotir ise gazda sotir : tel balemeaf viel ve tiyir.
- Lorik ve kaliyir : Lava va blis sulem aultoveson warzer ise sveri vamoe tawava va kelt vantalar !
- Va aultoveson sowarzen gan laveem va kot liziwes blis kabay isu sulem Lorik reduyur ; va koti amidafi wiltkirafi sveri dere reduyur. Lorik ve wiyir da batcoba tiyir kiewafa.
- Lorik vaon kumziliyir, kalison : Tic nasbukaf, jonkac nume va biralaveem tukotrac !; ise moe tawava sveri se va sint jonkac !.
- Batinde siel sotir ise gazda sotir : tel alubeaf viel ve tiyir.
- Lorik ve kaliyir : Tawava va amidaf blis sulem isu bonol isu perakedunol isu tawavasulem warzer ! Nume batinde ve tiyir.
- Lorik va tawavasulem is bonol is kot perakedunol amidon askiyir. Lorik ve wiyir da batcoba tiyir kiewafa.
- Azon, Lorik ve kaliyir : Kare intafa ewava isu vektasuca va ayik askí ! nume in va birakabay is keltsveri is bonol is kotafa tawava is kot teriges perakedunol felir !
- Lorik kare intafa ewava va ayik reduyur,
kare ewava ke Lorik vaon reduyur
va ayikye is ayikya reduyur. - Lorik va sin ve kumziliyir aze ve kaliyir : Tic nasbukaf, jonkac nume va tawava tukotrac ise vaon sedec ! Ise va birakabay is keltsveri is kot sulem moolanis va tawava felic !
- Aze Lorik ve kaliyir : Batse, va kot faytaweykiraf werd tis moe varafa tawava, is va kot iltkiraf is faytaweykiraf aal pu rin zilí : batcoba sotitir winafa sinka.
- Ise pu kot tawavasulem isu keltsveri is kot moolanis plek miv dis va blisukera kare sinka va kot musaf werd zilí. Nume batinde ve tiyir.
- Lorik ve wiyir da askiyina kotcoba nume tiyir kiewapafa. Batinde siel sotir ise gazda sotir : tel teveaf viel ve tiyir.
Difference between revisions of "Biblia Nasbal Blokey01"
Un article de Wikikrenteem.
(Tazukara) |
|||
| Ligne 1: | Ligne 1: | ||
| − | {{TextQuality| | + | {{TextQuality|100%}} |
<div style="margin-top:1.2em;font-size:140%;"> <center>'''Kristevafa Biblia : Guazafa Bafela'''</center></div> | <div style="margin-top:1.2em;font-size:140%;"> <center>'''Kristevafa Biblia : Guazafa Bafela'''</center></div> | ||
| Ligne 84: | Ligne 84: | ||
| xanto_vergumvelt = '''Biblia, Vetus testamentum''' | | xanto_vergumvelt = '''Biblia, Vetus testamentum''' | ||
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja] | | xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja] | ||
| − | | xanto_piskura = | + | | xanto_piskura = Nova Vulgata siatos |
| xanto_ava = [http://www.kotava.be/xadola/pmwiki.php?n=Rekluexo.Latinava Latinava] | | xanto_ava = [http://www.kotava.be/xadola/pmwiki.php?n=Rekluexo.Latinava Latinava] | ||
| xanto_evla = | | xanto_evla = | ||
| Ligne 90: | Ligne 90: | ||
| kalkotavara_kalkotavasik = Mixail Kostov | | kalkotavara_kalkotavasik = Mixail Kostov | ||
| kalkotavara_piskura = - | | kalkotavara_piskura = - | ||
| − | | kalkotavara_evla = 2002 | + | | kalkotavara_evla = 2002/2008 |
| webesik = [[Favesik:Troubadour|Troubadour]] | | webesik = [[Favesik:Troubadour|Troubadour]] | ||
| − | | krentduga = [[Image: | + | | krentduga = [[Image:Compare.jpg]] Gotuenan |
| kseva1 = #E23030 | | kseva1 = #E23030 | ||
| kseva2 = #FF7979 | | kseva2 = #FF7979 | ||
Version du 14:32, 7 balemeaksat 2008
Nasbal neva, taneaf blokey : Redura |
| |||||||||||||||||||||||||||||||||||||
 Nasbal neva |
