Difference between revisions of "NyagaceemScapin Nakileem01 Nakila01"

Taneaf nakileem, taneafa nakila

Octave : Ax ! Warzotaj tori renas takrakirik ! Olgafa geltraca va jin steged ! Silvestre, moe molt su remravel da gadikye fu dimpir ?

Silvestre : Gue.

Octave : Da rerielon fu artpir ?

Silvestre : Rerielon.

Octave : Ise da ta kurera va jin dimpir ?

Silvestre : Gue.

Octave : Do nazbeikya ke Géronte jiomaik ?

Silvestre : Ke Géronte jiomaik.

Octave : Ise da male Taranto battanya batliz batenide zo foxier ?

Silvestre : Gue.

Octave : Ise va man warzot vey jinafe ziavikye grupel ?

Silvestre : Vey rinafe ziavikye.

Octave : Pu tel kan twa gadikye vaon al foxier ?

Silvestre : Kan twa.

Octave : Ise bat ziavik, kalil, va minaf arienteem gruper.

Silvestre : Va arienteem.

Octave : Ax ! Pulvil, ede djumel, acum mal rinaf art va kot ravlem batinde gosoltiolté.

Silvestre : Tokdume loon co-gopulví ? Rin va mek goaspil drasul ise va coba tagelton kalickil.

Octave : Va jin pirdal, icle, ise koe mana udutafa debala kalil va coba di gonaskí.

Silvestre : Kax ! Lion dam rin zo tokté, nume co-olegapá da miv zo pirdá.

Octave : Gan bata rotapstana dimpira zo adjubé.

Silvestre : Lieke dere jin.

Octave : Viele gadikye va coba raveter, mo jin laizafo xefto dem yona trucafa vorcera di lubeter.

Silvestre : Vorcera tir mecoba ; ise pokolepé da gan kelt mandroe zo co-falé ! Vexe lané da, arse, va rinaf oviskaceem lodroe fu dodé, ise va tazukawes peyas rujod lubes mo jinaf epiteem wí.

Octave : Ey kelt ! Va bata tisa debalaja toklizo romalbulú ?

Silvestre : Abdida va int koon mimayal, co-undemeyel.

Octave : Ax ! Kan manyona mecadimafa tavera va jin atal.

Silvestre : Rin, kan rinaf gariandaceem va jin loeke atal.

Octave : Va tokcoba gonaskí ? Tokinde gogorá ? Va tok wayot govidú ?