- Awalkafa nefta tuyicad ise va punta ke kofigasik kacad ; abica oviskuca kapbure proyuca is aliuca wad.
- Takra ke proyik roneon tir,
ise takra ke volpeztorik talteon tir. - Viele volpeztorik koo kelda lanir, pezta va in gracer, nume in icde kottan kalir : tir oviskik !
- Ede swava ke felisik kev rin madawer, va rinafa runda me bulul ; kire vumeltuca va trobapa se djir.
- Tir rotok jinon wiyin leve awalt, wetce derka ke tan bowes :
- oviskuca va playap kereler, ise kulik yo koe struca debanhed.
- Jin va okollakis levetirik yo is sersik yo lanis dum levetirik al wí.
- Tan suxas va kela koon lubeter,
ise tan trovgas va rebavega gan perake zo bugdatar. - Tan kalizis va rapor se ganon zo bakatar,
ise tan intaludzes goldeon wupesatoleter. - Ede in va dug al gricuynar ise va gabese me al tucuynar, lopoon ware gonaskitir ; vexe proyuca va gunt va kiewatca digir.
- Ede perake arbe vecara bugdar, me tir gunt mu vecasik.
- Pulva se ke art ke proyik tid kotrafa gu kuca ;
vexe kutceem ke volpeztorik va rodjera lazavar. - Toza ke pulva se ke inaf art tir oviskuca,
ise tena ke inafa dewitca tir ikorafa oviskuca. - Volpeztorik va pulva se jonkar.
Ayik va sokitisa coba me gruper,
ise toktan pu in kalitir inde kaiki in batcoba titir ? - Kobara ke volpeztorik va in cuur,
kire in me gruper kane ko widava rolanir. - Til volkalafa, patcta ke dana gazik tir rumeik,
is sersik yo mali gazda estud ! - Kalafa, patcta ke dana gazik tir ke tcumpafa zaava,
is ke dana sersik yo ba bartivanh estud,
ta polevgira vols tuizkawera ! - Viele nuba tir vungafa, renta tuomawer ;
ise viele nuba tir nhudafa, mona tir belaxarekirafa. - Min ta deasera estut,
vor va blira tudaavar,
ise erba va kotcoba dulzar. - Va gazik me rotapstal, dace koe trakura,
ise koe maga lize kenibel va kulik me rotapstal ;
kire keltsveri va rinafa puda co-divburer,
wiltsulem va rinafa pulva yo co-sanegar.
Difference between revisions of "Biblia Koxelet Blokey10"
Un article de Wikikrenteem.
| Ligne 83: | Ligne 83: | ||
| kalkotavara_evla = 2001 | | kalkotavara_evla = 2001 | ||
| webesik = [[Favesik:Troubadour|Troubadour]] | | webesik = [[Favesik:Troubadour|Troubadour]] | ||
| − | | krentduga = [[Image: 75%.jpg]] | + | | krentduga = [[Image: 75%.jpg]] Gotuenana |
| kseva1 = #E23030 | | kseva1 = #E23030 | ||
| kseva2 = #FF7979 | | kseva2 = #FF7979 | ||
| Ligne 99: | Ligne 99: | ||
[[Loma:Alkakrent|Koxelet Blokey10]] | [[Loma:Alkakrent|Koxelet Blokey10]] | ||
[[Loma:Biblia|Koxelet Blokey10]] | [[Loma:Biblia|Koxelet Blokey10]] | ||
| + | |||
| + | [[ru:RU_Biblia_Koxelet_Blokey10]] | ||
Noeltaf betaks va 17:02, 12 balemeaksat 2008
Koxelet neva, saneaf blokey[modifier] |
| |||||||||||||||||||||||||||||||||||||
 Koxelet neva |
