LaFontaine Kudeem Kabayoc is Onasik
| ||||
|---|---|---|---|---|
| Vergumvelt | Le petit Poisson et le Pêcheur | |||
| Kudak | Contes et nouvelles en vers | |||
| Sutesik | Jean de La Fontaine | |||
| Piskura | - | |||
| Ava | Francava | |||
| Evla | 1665 | |||
| ||||
| Vergumvelt | Kabayoc is Onasik | |||
| Kalkotavasik | Elisabeth Rovall | |||
| Piskura | Kotava.org | |||
| Evla | 2005 | |||
| Klita | Kalkotavaks | |||
| ||||
| Webesik | Seramikya | |||
| Krentduga |  Gotuenan
| |||
Kabayoc is Onasik
Kabayoc tugijaweter,
Ede Lorik al askitir da in blir.
Vexe ede kerion va in nhú,
En trakú da oviskafa ;
Kire va in co-tolebidutú, me lanafa.
Krodoc ware tis kabayam
Kene kuksa gan onasik zo konarir.
Bet kabay patar, va kaip wison ayik kalir;
Batse toza ke estura is tcunke:
Ko wivgak plekú.
Copaf krodoc pu in intabaskon kalir :
- Luxe jin va tokcoba askitil ? Jin anton cugon rodafú
Va tanoy mialartcek ;
Iskel ta da vanpití Krod :
Va jin tolonatal.
Kon Dolekapik va jin tcazon lusteter,
Ute da rin ware gonaneyal
Va millumaf decemoy
Ta da va kabayxa seotal. Toka ? va jin folil ; mecoba vodasa.
- Mecoba vodasa ? Ex kiewon, onasik dulzer ;
Jinaf tujdes nanhik Kabay,
Zo kofovungatal ; rin pulvinhil,
Batsielon gerinsewetel.
Tanoya gira dam toloya digitira se loon vodar ;
Tana vols ara tir septafa.
 ← Awalk is Copik - Kabayoc is Onasik - Ziasik is Nasbeikeem → |
