LaFontaine Kudeem Widavatovol is Tayatovol
Un article de Wikikrenteem.
Dimplekura va 14:37, 26 bareaksat 2012 gan Wikimistusik (Keyaksera | contribs)
| ||||
|---|---|---|---|---|
| Vergumvelt | Le Rat de ville et le Rat des champs | |||
| Kudak | Contes et nouvelles en vers | |||
| Sutesik | Jean de La Fontaine | |||
| Piskura | - | |||
| Ava | Francava | |||
| Evla | 1665 | |||
| ||||
| Vergumvelt | Widavatovol is Tayatovol | |||
| Kalkotavasik | Elisabeth Rovall | |||
| Piskura | Kotava.org | |||
| Evla | 2005 | |||
| Klita | Kalkotavaks | |||
| ||||
| Webesik | Seramikya | |||
| Krentduga |  Gotuenan
| |||
Widavatovol is Tayatovol
Lekeon Widavatovol
Va Tayatovol ve zideyer,
Riewovganhon,
Ta estura va blog se.
Mo Turkaf tcalist
In ve zoratcayar.
Va blira askiyina
Gan toloy nik gestac.
Fariura ve tiyir telafa.
Koe tcunke mecoba graciyir ;
Vexe va sin kontan ve skalteyer
Bak da kapayad.
Rune bonta
Va lor sin ve gildeyed :
Widavatovol otcer ;
Intaf gositik radimlanir.
Lor tutenawer, kontan divlanir :
Tovol se davon ko tawaday ;
Aze widavik kalir :
- Ten estunhut.
- Stapesa, tawadayik kalir ;
Eldeon den jin pitil :
Va rinafe rayatcunke se
Me batcé ;
Vexe mecoba pisa ta da waljoar :
Jin aulanhon estú.
Kle done ; va tci rotavonani
Gan kivasuca vligut.
 ← Salma djulipwertawesa dum Jaftol - Widavatovol is Tayatovol - Idatcol is Namuloloc → |
