- Mo lavawelma va intaf beg mimal
kire rin artion katrasitir ; - va ki pu peroy ok dace anhustoy zilil,
kire va mana rosokitina volkalaca moe tawava me grupel. - Viele rujod tir muvakirapaf,
mo sid va muva mopler ;
ise ede aal luber, geeon ok lenteon,
zavzar lize al luber. - Tan disves va suka me faytaweter,
ise tan disukes va rujod me vebaltatar. . - Oye da rin va toka kelda ke suka me grupel,
ise tokinde niskeem koe jivot ke genasbalasik tazukawer,
va grabom ke Lorik askis va kotcoba dere me grupel. . - Maligazdon va faytawey faytawel,
ise sielon va intafa nuba me gutildenal ;
kire va kiewaskitisa batcoba isu bancoba me grupel,
ike ede tan is artan tid milton vonaf. - Afi tir zijnafi,
ise wira va awalt tir agralafa gan iteem. - Ede kle ayik jontiktandon blir,
remi kota bata tanda wiver,
ise va jontik mielakviel trakur ;
sokitisa kotcoba tir greciaca. - Yik, bak jotugal wivel,
bak viel se ke jotugal va intafa takra daavon mobildel,
koo joya se ke intafa takra is kan disukera ke iteem keldonal ;
vexe grupel da yoke bata kotcoba Lorik ta malhera va rin rozatar. - Va nigera divtakral,
ise mal alto va rotuca ilplekul ;
kire jotugal is vanawalt tid greciaca.
Biblia Koxelet Blokey11
Un article de Wikikrenteem.
Dimplekura va 08:57, 6 balemeaksat 2008 gan Troubadour (Keyaksera | contribs)
Koxelet neva, santaneaf blokey |
| |||||||||||||||||||||||||||||||||||||
 Koxelet neva |
