NyagaceemScapin Nakileem01 Nakila05

Nyagaceem ke Scapin

Taneaf nakileem, alubeafa nakila Silvestre : Welidá da til ayapik, acum arienta dilizecker ; vexe erba, ostik, ta laptera va cin xuvar, ise korik kotlizu vanon ied. Scapin : Iskel da askí, foalk zo trasir. Enide in va obran koredik zirser, koe taka, va sagaf kontel anton aneyá. Kel ! Til rontackaf ! Dum rotik va gom vanludeval ! Moe tanoya nuga ranyel ! Mo kril va nuba plekul ! Va zidapaf iteem nedil ! Dum wenyagazik avlamal ! Batcoba tir kiewafa. Va jin radimolanil ! Ta efura va rinafa gexata isu puda va yona birga grupé. Silvestre : Icle va rin ogolé enide va jin gu malyerot me di seletel. Scapin : Lanil, lanil : va iyeleem beron pakatat ; ise loon ok leon barda moe efruda va olukaf takrakirik me azavzatad.

Xanto   Vergumvelt Les Fourberies de Scapin Sutesik Jean-Baptiste Molière Piskura - Ava Francava Evla 1671   Kalkotavara   Vergumvelt Nyagaceem ke Scapin Kalkotavasik Staren Fetcey Piskura - Evla 2006-2013 Klita Kalkotavaks   Krentduga   Webesik Vieux Daniel Krentduga Vuestena

Nyagaceem ke Scapin (Molière) Taneaf nakileem ← 4-eafa nakila - 5-eafa nakila - 2-eaf nakileem →