Nikolay Gogol

Nikolay Gogol

1809-1852 Rossiavaf suterotik

Nikolay Gogol (Николай Васильевич Гоголь rossiavon), kobliyis poke Poltava, tir nazbeik ke flibamik vey ukrainafa yasa dem sayakik is gertik tuoluayan bak 17-eafa decemda, taneik ke san-toloy nazbeik. Bak san-taneaksat ke 1828 ko Sankt-Peterburg ta klepara mallapir. Va konak ristulaf rundak dene konaka elda kereler ise va yon berpotam toz sanegar. Ba Puckin bam kakever ise bantel bristur da in wan suter. Bak 1831 va taneafa suterotafa kiewatca kan Вечера на хуторе близ Диканьки (Sielcek koe Dikanka widel) seotar. Bata larma, dem vertovaf ik ferimaf ik tacukaf berpotam koswavayan gan blira ke yon ukrainaf tawadayik, va inafa sposuca ravaldar. Ruldar : "Kazaxo ke Sorocintsi", "Mielcek ke Ivan Kupala", "Mielcek ke Alubeaksat", "Griawiyisa kutcupsa". Malyopasikafa emudera tir donafa. Toleaf dov diretandon zo sanegar. Ruldar : "Krisnazbalamielcek", "Eaftafa jaxadara", "Ivan Fiodorovitc Cponka is ziavikya", "Kodiwayana tawova". Gire kiewatca. Bak 1833 in wetce ikatavesik va izvopa koe kotla ke Sankt-Peterburg zo player. Vexe batcoba tir rodjera nume gin suterotur. Bak 1835, Gogol va Арабески (Regvel) larma, dem tulon "Nevski ikpa" berpotam isu "Delt" isu "Pone ke oviskik", sanegar. Ise koe Mirgorod larma, "Vii" tacukaf reiz is tanef siatos ke "Taras Bulba" tigid. Wali 1835 is 1837, in va jontik berpotam is wenyaxa vergumveltkirafa gu Ревизор (Stujesik) sanegar. Inafa zirsera gan nafalik di zo karolad. In va tan grabomap dere milsareon bokar : i va Мёртвыe души (Yona awalkafa gloga) dem detce tiaveyese gan Puckin. Mali 1841 in ko alkafa ilamsiskera toz pastawer. Yoke konaka jonvielerapa koe taltefa Europa, il rossiafo suterotafo kaatoexo griawir. Viele bak 1846 dimdenlapir, inaf tapedevaf is tulidas suteks me di tid sedme grita ke saneg. Radimi jontikote mumbera, va tana bak 1852 zertur.

Nikolay Gogol  Blira 1809-1852  Ava Rossiava  Suterind Wenya, Berpot   Suterot Wenyaxa Ревизор (1836) - Stujesik Женитьба (1835) - Kurera Berpot Тарас Бульба (1835) - Taras Bulba Мёртвые души (1842) - Yona awalkafa gloga Berpotamak Вечера на хуторе близ Диканьки (1831) - Sielcek koe Dikanka widel Миргород (1835) - Mirgorod Петербургские повести (1836) - Yon warzot ke Sankt-Peterburg Twak Выбранные места из переписки с друзьями (1846) - Konak daalaks va nik

wp-de:Nikolai Wassiljewitsch Gogol wp-en:Nikolai Gogol wp-eo:Nikolaj Gogol wp-es:Nikolái Gogol wp-fr:Nicolas Gogol wp-it:Nikolaj Vasil'evič Gogol' wp-pt:Nikolai Gogol wp-ru:Гоголь, Николай Васильевич wp-tr:Nikolay Vasilyeviç Gogol