Vunda va remrunafa mevta ke Moorea
| ||||
|---|---|---|---|---|
| Vergumvelt | La légende de la montagne percée de Moorea | |||
| Sutesik | - | |||
| Piskura | - | |||
| Ava | Tahitiava | |||
| Evla | - | |||
| ||||
| Vergumvelt | Vunda va remrunafa mevta ke Moorea | |||
| Kalkotavasik | Sabrina Benkelloun | |||
| Piskura | - | |||
| Evla | 2006 | |||
| ||||
| Webesik | Favesik:Sab | |||
| Krentduga |  Gotuenan
| |||
Mielon konviele, Hiro (Kafasik) is intaf dubiesikblay, va Raiatea mallapiyison ta dubiera va Rotui mevta va Moorea ve artlapiyid. Ben mevtontine va abrotcafa gefesta yo vaniksantuyud aze toz impayad. Ve kiewaskiyid da va bati ewalaki iliksantud, dum toloya ceda ware sovrutad.
Pai tisi koe Punaauia gan vanikatcuyus gadikeem modovason wiyis va bata nakila ve zo divmodayar. Pai bam ve ranhayar aze va Tata’a venta tidlaniyir aze van Moorea va kaba ve kabuyur. Va bira remlapiyison, rem ontine, wetce Mou’a-puta (Remrunafa mevta) yolt malion grupene, va fepe ve remruyur. Trenason va kabura dum xiza, kaba ko geexo ke Raiatea ve artayar aze ko ontine ke malion cumbanafa venta ve taplekuweyer. Wil yo ke Moorea, gan yartereem ke kaba divmodayas, kotlizu toz dankayad. Acum dubiesik se kivason va tidafizara kaliapon ve otceyed.
Wori Hiro is intaf blay sol eliwa ke Rotui ve kiewaskiyid da va feykorafa venta malstatana ko Raiatea is inketena pok Opoa domega solimpayad.
Bata venta batlize ware tir. Tir modivatcenafa gu pinaf « toa » aal yo, gu azilaal se nuxaf gu tel yo ke Rotui mevta is divulon kevaxas va anamef ruxeem.
