KanakafaVunda Yikyeem ke Owie

Yikyeem ke Owie

VIII : Yikyeem ke Owie Kas skaelora tidunisa tir ? Kas pargiimwa krafolmena gan suka ? Me, batse yona batakafa bruxa sonamba va inaf usukeem gan kota yikya ke Owie. Nutid lodebeltafa dam miel, yikya ke Owie. Va kapadanka egac, ey yikye ! Batse aguntanik moe ventadatca ; sin pu danka ke onasik sumuon dodulzed. Moe domega ayikya va sint belcad ; ayikye moe bira tid. In tir kotraf gu guema nutisa loror. Dankac, ey onasik ! guema va rukomeem ludzer ; ta tufa malnir. Kabayap dem kralkeem betawes dum rukom drum lava welver. Biraperake moe domega grutcion sespawer ise oretlakabay, ebeltaf vanmiae yona kerafa drakgama, walwiwer. Welfa imwawer ise mu nazbeikeem ke greelteem dem kulaca tukotrawer. Ta konarira, kontan anton gonebler ike ko rukom va int govekabur ike va int gokoguemar oke mal domega gozmintakabur. Ayikya, dendason va diuz dem gamiaf mam mo sid ok fasiason va piaalgama, va dank dositad. Awalt kadim mevtava griawir ; frineson va domega oreem ier : bartiv tir zeitaf ise swava irubasa leve rukom ko dona va kabay platid. Nic, nic, bagafa guema, dona dem kulaca adeed ! Tazec, malyafa zminta va tuawalkasa bakara ! nume greelt kalipon mea aeler !

Xanto   Vergumvelt Les filles d'Owié Vundak Légendes et chansons de gestes canaques Sutesik Louise Michel Piskura Les Petites Affiches de Nouvelle-Calédonie Ava Francava Evla 1875   Kalkotavara   Vergumvelt Yona kanakafa vunda isu blokak Yikyeem ke Owie Kalkotavasik Bruno Cordelier Piskura Kotava.org Evla 2012 Klita Kalkotavaks   Krentduga   Webesik Bcordelier Krentduga Gotuenana

Kanakafa vunda (Louise Michel) ← VII : Idara katcilikya - VIII : Yikyeem ke Owie - IX : Kanakafa tidlavara →