Wole Soyinka

Wole Soyinka

1934- Englavaf nigeriaf suterotik

Wole Soyinka koe Abeokuta koe lentetaltefa Nigeria al koblir. Al vayar koe Ibadan kotla az Leeds englafa kotla lize bak 1973 al zo dobayar. Koe Engla tevdon ugalzeyer; satcon tiyir wenyusik koe Royal Court Theatre ke London bak 1958-1959. Arti tanda ko Nigeria dimpiyir aze taveyer va wenya is suteroteem koe Ibadan kotla azu Lagos azu Ife lize va taveraplay ta dolunyen suteroteem kereler. Bak 1960 va The 1960 Masks taneaf wenyamilk al redur aze bak 1964 va 1964 Orisun Theatre Company ar, torion va yona wenhaya warzer ise wetce wenyusik dere paker. Bal nigeriafa koegeja, koe felolk ta lyumarazavzara Soyinka muxaweyer. Bak 1967 bam zo soper, kaganon va vlepera do biafraf tcumivikeem, acum bak riwe tolda flinton zo kagir. Soyinka va riwe tol-sanoy suterot al piskur : va yon warzot isu pizasuterot isu ezla. Englavon suter ise kan ravlemupura intafa suterotura adalawer Wetce wenyusik, Soyinka gan eireaf J.M. Synge satcon al zo turestar, vexe aotcer va sanefa prostewafa afrikafa wenyura ke dana stutera is melza is zatcezara tid. In va vundeem ke Yoruba sane (va Ogun lorik va azil is geja) nelkon malgruper. Bal intafa ugalzera koe London va yona taneafa wenyaxa al suter : va The Swamp Dwellers is The Lion and the Jewel dana koe Ibadan al zo redud aze bak 1963 al piskud. Azon, yonar suterotany tid : The Trial of Brother Jero (1963) is A Dance of the Forests (1963) is Kongi's Harvest (1967) is Madmen and Specialists (1971). Vanmiae inaf trakopaxeem : The Strong Breed (1963) is The Road (1965) is Death and the King's Horseman (1975). The Man Died: Prison Notes (1972) is Aké (1981) tid mivizvanyaf suterot. Bak 1986 Wole Soyinka va Nobel Suterotafo Poradro al kazawar.

Wole Soyinka  Blira 1934-  Ava Englava  Suterind Berpot, Wenya   Suterot The Swamp Dwellers (1963) The Lion and the Jewel (1963) The Trial of Brother Jero (1963) A Dance of the Forests (1963) The Strong Breed (1963) The Road (1965) The Interpreters (1965) Kongi's Harvest (1967) Madmen and Specialists (1971) A Shuttle in the Crypt (1972) The Man Died : Prison Notes (1972) Season of Anomy (1973) The Bacchae of Euripides (1973) Death and the King's Horseman (1975) Ogun Abibiman (1976) Aké (1981) Opera Wonyosi (1981) A Play of Giants (1984) Requiem for a Futurologist (1985)

wp-de:Wole Soyinka wp-en:Wole Soyinka wp-es:Wole Soyinka wp-eo:Wole Soyinka wp-fr:Wole Soyinka wp-it:Wole Soyinka wp-nl:Wole Soyinka wp-pt:Wole Soyinka wp-ru:Шойинка, Воле wp-sw:Wole Soyinka wp-tr:Wole Soyinka