Lautréamont
|
1. Volgiltafi bali tenuwesi ba 24-daKoe Montevideo (Uruguaya) ba 04/04/1846, viel ke Isidoros Tumtik, francagadikkiraf Isidore Ducasse koblir. Gadikye tiyir gardik koe permaxo. Ko Franca bak 1859 pir ta vayara, ko Tarbes reila az Pau olda lize in tir koeik. Azon ko Paris mallapir enide va « Ecole Polytechnique » egar. Tison 22-daf, kan Lautréamont Biptik ikayolt, va taneaf Chants de Maldoror, va volwina ezlavedaxa, dodeson sanegar (8-aksat 1868). Bak idulugal ke 1869 kotrafa karba di zo sanegar. Azon, yoltoe Poésies vergumvelt, in va toloyi nevaki ke abdueneva dere sanegar, ke abdueneva tori "enidafa vox meviele sutetena neva". Golde kotcakola bak 1870 koe Paris awalker. Inaf grabom gan kaikgeltrevikeem di zo ilamsisker. Dum noapaf muxaks va pestakevafa gripokolesuca isu boluca batvielon awir. 2. Maldoror tel gripokolenikRune Chants, Maldoror, gradilik kaatoen kan ayafa laviaca, va copaceem is polas is tisikopaf bibeeem ke redusik viwazer. Tori min awir "zwaf is gebiaf is forteyajkiraf is ton gebiaf art is vozes". Inafa cugafa gwinuca gan in locuynon askir da in wir va mejesuca ke ayikeem is gejeem is akoleem alokon apkas. Tison poiskaf lente ayafolva, gripokolewer aze kev Lorik va tizuca basrodar. 3. Maldoror tel bolatizikMaldoror bam vanpir kustoleca. Jontazukaf tisik, in va int artazukar ton kiiz ik kancey ik grokjaxok ik ebeltaf loror. Dum sulem ke Tamavatena, va tamava koolanir ise va tawavaxo inafa jaxadasa tizuca tolgenir. Ko nyabuca ik yon pulvipiks tacuke kalaotcewer. Yatkafa oviskuca va yon blayak isu food koakolar ise kotnoelaf rotapstan gradilik batlize tir ta va eaftaf dakteks ke taneaf dank yunker, va : "Jin, askí enide va lingera va sutkaceem ke udutuca norluca zanudar". |
| |||||||||||||
wp-de:Comte de Lautréamont wp-en:Comte de Lautréamont wp-es:Conde de Lautréamont wp-fr:Lautréamont wp-it:Conte di Lautréamont wp-nl:Comte de Lautréamont wp-pt:Conde de Lautréamont wp-ru:Лотреамон wp-tr:Comte de Lautréamont
