LaFontaine Kudeem Salma djulipwertawesa dum Jaftol
Un article de Wikikrenteem.
| ||||
|---|---|---|---|---|
| Vergumvelt | La Grenouille qui veut se faire aussi grosse que le Boeuf | |||
| Sutesik | Jean de La Fontaine | |||
| Piskura | - | |||
| Ava | Francava | |||
| Evla | 1665 | |||
| ||||
| Vergumvelt | Salma djulipwertawesa dum Jaftol | |||
| Kalkotavasik | Elisabeth Rovall | |||
| Piskura | Kotava.org | |||
| Evla | 2005 | |||
| Klita | Kalkotavaks | |||
| ||||
| Webesik | Seramikya | |||
| Krentduga |  Gotuenan
| |||
Salma djulipwertawesa dum Jaftol
Salma ve wir va Jaftol
nuvelas gijanhaf.
Salma lepwertafa dam ato,
Djumasa, va int divatcer ise adeer ise askiwer,
Ta da va sulemap pwerton miltar,
Kalison : « Winhal, berik ;
Stapesa ? kalil ; Men tí ?
- Me. – Batse tí ? Meme. – Banse tí ?
- Rin men vanal. ». Rabetaf bonol
Va int deeyer maneke ve semaweyer.
Va volproyaf jontiktan tamava digir :
Dum jiomapik bet glastik djukolnar,
Va permik se sersik digir,
Va zanisik yo bet oluik djudigir.
 ← Razama is Bresitol - Salma djulipwertawesa dum Jaftol - Widavatovol is Tayatovol → |
