Un article de Wikikrenteem.
Vunda va cabdaal
Kenyafa kuda
|
|
| Vergumvelt
|
La légende du baobab
|
| Sutesik
|
-
|
| Piskura
|
-
|
| Ava
|
Francava
|
| Evla
|
-
|
|
|
| Vergumvelt
|
Vunda va cabdaal
|
| Kalkotavasik
|
Bruno Cordelier
|
| Piskura
|
-
|
| Evla
|
2007
|
|
|
| Webesik
|
Bcordelier
|
| Krentduga
|
 Gotuenan
|
Kabdue min klita is tourkama tid. Viele me sukar, welma ke tourka tir gasitafa dum elza. Lekeon lekepon, cabdaal poke lava tiyir ise vane kelt voklibamadayar. Va ar aal yo dem imwakiraf usukeem is milgaf almuk is toa se wiyir. Kot ksevayozdayar ise cabdaal koe elza va kotafa batcoba wiyir nume tiyir volkalaf. Intaf toeem tiyir pinapaf ise imweem tiyir meroremwin. In tiyir sudaf ise almuk va plozkirafa alma ke guazaf fuzol vektayar.
Aal va Lorik ve korozayar ise puon ve temeyer. Lorik va aal al reduyur nume tiyir valeaf gu intaf skuks amidaf gu kot ar. Va gedruca albayar. Voxe va malhopara me levbureyer. Pu aal ve eruyur ede in krupteyer da troskol tir listaf ike da ie ke dikdatol tir plinafe. Azon Lorik ko rujodxo ve malayar. Zo djumiské ta da aulon rotundé. Redura va puvetes ayik va guyaca yo ixam lazavapayar… Cabdaal ko elza va int wan disukeyer ise va temera se pu in wan maneyer. Lorik kle ve titayar, va cabdaal ve konariyir aze ve levmadayar aze ko tawa ve toltaplekuyur. Batinde aal va int mea wiyir nume mea temeyer. Kotcoba tolon tiyir vunafa.
Gotuenan
