Teza:Drumbaca pu pakesik

Mo Wikikrenteem til drumbaf, Drumbaca pu pakesik !

Wikikrenteem tir bitonaf abdumimaks djumemudes va kot kotavaf xantaf krent ik kalkotavaks. Kot batwoyokaf webeks kle tir drumbaca. Ta krentplekura, male milindaf teliz malsaveson va inafe dre va int omaval ! Azon, va telizalto is vuestesiki yo betal !

Pomarabueem is kotu favesikbu ke ar pakesik yo tid roderaykan tori rin. Dere aptaxo ke Wikikrenteem doda. Nelkafa golerava denon tir Kotava, vexe kabeon dere francavon ik espanavon ik englavon rogolel. Mo jinafu favesikbu va kota bibera dere roplekul. Ostik, ede djumel, mo rinafu favesikbu dere va int rotatoel ise va kotavafa stineka is konako dulapexo robazel ise lizu pil ikz-.

Pokolet da pakeson va bat bitonaf is zolonaf abdumimaks tori varafa kotavusa doda puvetrasitil. Mo Wikikrenteem telo nuyanevaxo, til drumbaf !