Tao Te Tcing luz 64

Neva va Joya is Ceakuca (Tao Te Tcing)

Xanto
Vergumvelt	道德經
Sutesik	Lao Zi
Piskura
Ava	Siniava
Evla	6-eafa voldecemda
Kalkotavara
Vergumvelt	Neva va Joya is Ceakuca (Tao Te Tcing)
Kalkotavasik	Angela Wagner
Piskura	-
Evla	2007-2008
Krentduga
Webesik	Angela
Krentduga	Tuenayana

Toleafa neva, 64^-eaf luz

<poem> Vumeltaca drikon zo guvumeltar ; menaf askiks drikon zo rodjir ; axaca drikon zo rotempar ; tiguaca drikon zo rotcastar. Va rotaca abdi tira azavzal ; va volvura abdi bokara tuvumeltal ! Aal dem mantapaf ulim male zae ligemafe dam usuk al nasbalar ; rasek dem lerdoy vegem male nubacek dem tawa al zo kolnar ; koyara dem celemoya bora male tanoya bora al tozuwer ! Battan tegis rodjer, bantan va lancoba kralis drasur. Batdume Tumtik me tegir, batdume me rodjer. Va mecoba kralir, batdume me drasur. Viele sane va koncoba askir, ba kiewaskira kotviele rodjer. Til trumaf gu tena lidam toza, acum meviele rodjetel. Batdume Tumtik ko kota mejugemera va intafa djumera gruplekur. Va voldrikafa urlijkenaca me uldiner. Ko kona mevayara va intafa vayara plekur ise kev rola ke artan va int nendoyer. Me tegir inde va kottan miv rodjutegis pomar. </poem>

Neva va Joya is Ceakuca (Tao Te Tcing) Toleafa neva ← 63-eaf luz - 64-eaf luz - 65-eaf luz  →