Tao Te Tcing luz 39

Neva va Joya is Ceakuca (Tao Te Tcing)

Xanto
Vergumvelt	道德經
Sutesik	Lao Zi
Piskura
Ava	Siniava
Evla	6-eafa voldecemda
Kalkotavara
Vergumvelt	Neva va Joya is Ceakuca (Tao Te Tcing)
Kalkotavasik	Angela Wagner
Piskura	-
Evla	2007-2008
Krentduga
Webesik	Angela
Krentduga	Tuenayana

Toleafa neva, 39^-eaf luz

<poem> Tid coba va Tanuca lekeon seotayasa. Kelt tir karaf kire va Tanuca al dir. Tawava tir tildenafa kire va Tanuca al dir. Kota swava va lorafa gruuca gruter kire va Tanuca al dir. Kot krant tukotrawer kire va Tanuca al dir. Kunoy tisik koblid kire va Tanuca al did. Sersik is gazik tid teza va tamava kire va Tanuca al did. Tanuca va batcoba warzer. Ede kelt va karuca co-drasur co-solelawer ; Ede tawava va tildenuca co-drasur co-atitsur. Ede swava va gruuca co-drasur co-vanmecobawer ; Ede krant mea co-tukotrawer co-turodawer ; Ede kunoy tisik mea co-koblid ayikeem co-tenuweyer ; Ede sersik is gazik va oluuca is ema mea co-sisked nume ten co-tid teza, bam zo co-vetrovgad. Batdume oluik wetce xanta va meoluuca torigir ; ontinaptenik wetce taneaf rigot va gropastruca torigir. Batdume sersik is gazik ton gadikiskik ik riwetcakiramik ik meceakik zo yoltad. Kas sin wetce ageltafa xanta va meoluuca me torigid ? Ise en oved ! Batdume ede rin va edava solponal vaon mea di dil. Proyik dum furota me zo djumuldiner meie dum rapor zo vligur. </poem>

Neva va Joya is Ceakuca (Tao Te Tcing) Toleafa neva ← 38-eaf luz - 39-eaf luz - 40-eaf luz  →