Guazaf gadik

Guazaf gadik

Koreaf reiz

Lekeon lekepon, viele ayik tiyir per-sandaf, orpa tiyir kojupara va in ko mevtava is jovlera enide in awalker. Konviele ayikye va loon per-sandafe gadikye ko mevtava kan vajburesiki rembureyer. Viele ve karolayar da tiyir sumenhaf, va guazik daykayar ise do lana tokoda dem eksa va in is vajburesiki ve jovleyer. Vexe dositayas nasbeik va godimbureni vajburesiki ve treduyur abdi da dimdenlanir. Gadikye ve buuyur kalison : − Ko mona va batcoba me kojupal, dere gomimal ! Vexe nasbeik ve dulzeyer : − Viele titil guazaf, ta kojupara va rin va mili vajburesiki faveté. Batdume trakú da dure mimara co-tir akoydafa. Gadikye, kontepene gan pulva ke gadik, mo ge va intafe gadikye ve dimplekuyur aze ko mona di dimjupayar. Batvielu, bata orpaja tir jovleyena.

Xanto   Vergumvelt Le père âgé Sutesik In-Sob Zong Piskura - Ava Koreava Evla -   Kalkotavara   Vergumvelt Guazaf gadik Kalkotavasik Damien Etcheverry Piskura - Evla 2008   Krentduga   Webesik Troubadour Krentduga Gotuenana