Miguel de Cervantes
|
Belirasken, in tir mivraves. Moni 1568 va yon taneaf blok suter, icde awalkera ke Elisabeth de Valois, toelaf kurenik ke gazik ke España Felipe II. Vexe vazafa yawara anton tid, ise Cervantes koe ervoeba taneon ektuwer. Bak 1569, koe Roma va yasapa joawesa va Papik kozanir. Va Italia exuler ise, belison va yon pulukaf is milugalaf italiaf suterusik, va suterotafa ravera tukotrar. Bak 1571 va Lepante totameld kev turkik paker, viele va taltenuba drasur, nume va nubiskik ke Lepante toriyolt di zilur. Arti balemda, dimlapison va España, Cervantes gan yon tcordik ke Barbaria (Lentefa Afrika) zo gulder aze ko Aljazaira ta gralomenuca zo star, keson da kev inafa tunuyara paxay di zo doder. Batinde alubdon zavzar flintaf. Wali 1582 is 1585 koe sutera nelkon ektuwer. Ton mefolisa kaliuca, va yona ezla isu drunta dana riwe kota kotvielon al griawid bam warzer. Tuke La Galatea tawadayberpot tugrupenawer, beka kan bruxa meblison. Bak 1584 va int kurer. Lanugale koaykakik, gan rictaga luxe erbabutcara zo uculer nume konakviele zo koflintar. Koe Sevilla az Madrid, fordon is olon jadion remblir, vexe batcoba pu intafa suterotafa norluca va kulaf ugot dafur. Bak 1605 taneafa pakava ke El Ingenioso Hidalgo Don Quijote de la Mancha awir ise va kiewatcapa seotar, vexe golde baroya tcordafa piskura kodoleyena koe Madrid arti toloya saftama moi awira ke xanto pu in munestenser. Bak 1615 in va toleafa pakava ke Don Quijote sanegar, kaiki toloy ar suterot, Novelas ejemplares (1613) is El viaje del Parnaso (1614). Adim, arti balemda levi awalkera, va Los trabajos de Persiles y Sigismunda ironokaf berpot, va tacukaf is purdaf berpot ke okolervolia, tenur. Ba 23/04/1616 koe Madrid awalker. |
| |||||||||||||
wp-de:Miguel_de_Cervantes wp-en:Miguel_de_Cervantes wp-es:Miguel_de_Cervantes wp-eo:Miguel_de_Cervantes wp-fr:Miguel_de_Cervantes wp-it:Miguel_de_Cervantes wp-nl:Miguel_de_Cervantes wp-pt:Miguel_de_Cervantes wp-ru:Сервантес,_Мигель_де wp-sw:Miguel_de_Cervantes wp-tr:Miguel_de_Cervantes
