Louise Michel

Louise Michel

1830-1905 Francaf arotievik isu suterotikya

Francafa artowasikya, Louise Michel zavzar tana volapa ke dodelaf lizor. Merocuun sayudasik, va Commune artowara tegiron pakeyer ise vanpiyir ikapulvisik ke arotieva. Louise Michel ba 29 alubeaksat ke 1830 koe Haute-Marne utca ke Franca. Gadikya tiyir zanisik va lamoneik ke Vroncourt. Louise Michel koe bata anameda tuontinawer, kazawason va gaara novesa da di vanpir tavesik. Bak 1853, va ilafa bema koe Paris fenkur aze koe kizey ke Château-d'Eau nuda mali 1856 taver. Sayudasik ke sokasanefa is seltevafa kevura, mu ayikyarokeem dere alutar. Radimi da va Taneafa Walvedeyaca pakeyer, va neda va sokasanefa obrara ke XVII-eafa revava ke Paris. Tegirafa pakera va Commune artowara bak 1871 va lanyara gu rezgalera pu in vodatar. Jupayana ko Noumea bak 1873, in do yon kanakik isu kabilik tunawer aze va kotavera va sin bokar ise va inafa kevmadara va boniarafa tira zober. Bak 1880, Louise Michel zo emnagar nume va Paris rokazokever. Zardaf arotievik, va gaderopafa tegira kreme tolnarir, koe Franca lodam divexo laxason ise sanegason va jontik suteks. Kali awalkera bak 1905 batinde sayudatar.

Louise Michel  Blira 1830-1905  Ava Francava  Suterind Gaderopa   Suterot Lueurs dans l’ombre, 1861 Le livre du jour de l’an : historiettes, contes et légendes pour les enfants, 1872 Légendes et chansons de gestes canaques, 1875, Yona kanakafa vunda isu blokak Le Gars Yvon, légende bretonne, 1882 Les Méprisés, 1882 La Misère par Louise Michel, 1882 Le Bâtard impérial, 1883 Défense de Louise Michel, 1883 La Fille du peuple, 1883 Contes et légendes, 1884 Les Microbes humains, 1886 Mémoires, 1886 Les Crimes de l’époque, 1888 Lectures encyclopédiques par cycles attractifs, 1888 Le Monde nouveau, 1888 Prise de possession, 1890 À travers la vie, 1894, ezlaxak La Commune, Histoire et souvenirs, 1898

wp-de:Louise Michel wp-en:Louise Michel wp-es:Louise Michel wp-eo:Louise Michel wp-fr:Louise Michel wp-it:Louise Michel wp-nl:Louise Michel wp-pt:Louise Michel wp-ru:Мишель,_Луиза