Jose Maria de Heredia

José-Maria de Heredia

1842-1905 Francavaf ezlopik

In koe La Fortuna poke Santiago de Cuba ba 22/11/1842 koblir. Nazbeik ke xantocye ke espanaf olgalicusik is francikya, koe griva va francavaf suteroteem is espanavafa araya koe Franca zo varter. Koe « Ecole des Chartes » (1862-1865) va izvafa grupelapaca benelafa ta stekef grabom urlicker. Mali 1860 va toza ke lizor ke Parnassos ezlopik paker ise Leconte de Lisle ko Parnasse Contemporain (1866) va in gesiar. Dere nik va Sully Prudhomme. Bat tir piskura va larma dem warzaf blok batinde yoltayan setikeron gu mefta koe Ellasa bevulasa vundafa jonvielera ke yone Muse. Antaf ezlaf grabom, Trophées (1893) va xultafa emudera kazawar nume bak 1894 den Francaf Cultim zo libur. Vanpiyis susik va Arsenal nevaxe (1901), poke Houdan ba 03/10/1905 awalker.

José-Maria de Heredia  Blira 1842-1905  Ava Francava  Suterind Ezlopa   Suterot Véridique histoire de la conquête de la Nouvelle-Espagne (1878) - kalfrancavaks va Díaz del Castillo Les Trophées (1893) - ezlak La Nonne Alférez (1894) Poésies complètes (1924) - ezlak

wp-de:José-Maria de Heredia wp-en:José-Maria de Heredia wp-es:José María de Heredia wp-fr:José-Maria de Heredia wp-it:José Maria de Heredia wp-nl:José-Maria de Heredia wp-pt:José María de Heredia wp-ru:Эредиа, Жозе-Мариа