Emile Zola

Émile Zola

1840-1902 Francavaf suterotik

Ba 02/02/1840 koe Paris Émile Zola koblir, nazbeik ke italiaxantaf dritik. Awalkera ke gadikye, viele in tiyir perdaf, ko volfakafa erbadebala va kotafa yasa ke jotafe Emile plekur. Viele gadikya va inkewera ko Paris gorar, Émile Zola va sakiafa blira kosmar : « wawuca koe Paris, di kaliyir, tir jontolafa wawuca ». Bata xokagafa debala is rodjera ta ekul is taneafa kobara koe piskurind az play ke suterotaf ugaldusik va in van viltesa sutera di stayad. Tori geltreva is rozayana tuwaveva sutesik va Germinal kaliapon di sayudar : « Minaf gradilik, ~ Zola suter, ~ mea tir karaf ormusik, tel soloksik ke XVIII-eafa decemda. In tir altoopaf detcik ke noelafa opa, tisik tazukayan kan yona vila ise perdoes koe anameda va int kotbartivon kolusa ». Tuke mana ruyera, varze jontika malyopara Zola va int divaykayar. Sin me di gracayad. Nietzsche pu in tizon dulzeyer : erava ke Zola, tir « alitaratci ». Dere in va Dostoyevski ta pomara me rozinulayar : «Va Zola al belí volse va mana evakaca anton volfakapon al robelí…» Milinde Jean d’Ormesson al suter : « Kaike batyona malyopara, gijuca ke Zola tir da ko intaf cugexaf grabom va « riwe kotaf milsaref grupenucasok » al kobelcar, sedme tazukoy ke Michel Serres, ise da ko bata granapafa kobara va ilteem ke gaderopafa is seltafa bagaliuca prekson urlickeyena koe felind is moekote va gorukafa bodara ke pestakevafa sukera is alaakafi rali » al vanburer. Ke Émile Zola vundaf kolnaks zavzar : Rougon Macquart yasa, "tuwavafa is seltafa izva ke yasa bak Toleaf Ginugal". Aze moni blitena, icde jiz va Dreyfus, Émile Zola va kotgrupafa dilfura kabuyur : Isti 1890 sanda konaka tanda tiyid adrafa ta da icde bat jiz inafa trakula iaweyer. Aze mal pawera kal kevmadawera in di pir. Mali da in miniakiraf da Dreyfus redakik tir volgunaf, ba 11/01/1898, koe Aurore fela, pu Sokasanetaneatisik va intafa taulesa twa piskur : Numá. Va datafa gijayoltuca pu in kalion di vanburer ise va lanyara is zersara di vodar, vebason va intafa divbliwera. Ko France bak 1899 in di dimlapir aze bak 1902 bardon di awalker, tison 62-daf, golde vimtawera, koe ware bulafa walta.

Émile Zola  Blira 1840-1902  Ava Francava  Suterind Berpot   Suterot Les Contes à Ninon (1864) Thérese Raquin (1867) Madeleine Férat (1868) La Fortune des Rougon (1870) La Curée (1871) Le Ventre de Paris (1873) La Conquête de Plassans (1874) La Faute de l'abbé Mouret (1875) Son Excellence Eugène Rougon (1876) L'Assommoir (1877) Une Page d'amour (1878) Nana (1880) Pot-Bouille (1882) Au Bonheur des dames (1883) La Joie de vivre (1884) Germinal (1885) L'Œuvre (1886) La Terre (1887) Le Rêve (1888) La Bête humaine (1890) L'Argent (1891) La Débâcle (1892) Le Docteur Pascal (1893)

wp-de:Émile Zola wp-en:Émile Zola wp-es:Émile Zola wp-eo:Émile Zola wp-fr:Émile Zola wp-it:Émile Zola wp-nl:Émile Zola wp-pt:Émile Zola wp-ru:Золя, Эмиль wp-tr:Émile Zola