NyagaceemScapin Nakileem03 Nakila07

Nyagaceem ke Scapin

Bareaf nakileem, pereafa nakila Géronte : Ax ! Batse rin, gestusik. Nérine, ~ lubeson tit inaf badeeem ~: Ax, Pandolphe jiomik, da… Géronte : Va jin gu Géronte yoltal nume va ban antaf yolt batvielu favel ! Lazava stegeyesa va jin gu favera va bat tove win koe Taranto mea tir. Nérine : Kax ! Bata yoltbetara va cin al skalteper nume al dwipiv. Nume batliz kevlapison va rin al obrapav. Géronte : Toklize jinafa nazbeikya tigir, ise gadikya ? Nérine : Rinaf nazbeik, weltik, riwe batlize tigir. Vexe abdida pu rin fu nedí, gonixedá da va in al abdikuré, bak gojuca edje arbe rinafa tigira doon tiyí. Géronte : Jinafa nazbeikya, abdikureyena ! Nérine : Gue, weltik. Géronte : Voxe gu kontan ? Nérine : Gu yik yoltkiraf gu Octave, nazbeik ke lan Argante jiomik. Géronte : Ey kelt ! Argante : Mana kakevera ! Géronte : Va cin stal, wiluon stal liz ina tigir ! Nérine : Va bata vreda nemon kolanic ! Géronte : Taneon kolaní ! Argante jiomik radimlanil ! Silvestre : Bata stuva tir akoyepesa.

Xanto   Vergumvelt Les Fourberies de Scapin Sutesik Jean-Baptiste Molière Piskura - Ava Francava Evla 1671   Kalkotavara   Vergumvelt Nyagaceem ke Scapin Kalkotavasik Staren Fetcey Piskura - Evla 2006-2013 Klita Kalkotavaks   Krentduga   Webesik Vieux Daniel Krentduga Vuestena

Nyagaceem ke Scapin (Molière) Bareaf nakileem ← 6-eafa nakila - 7-eafa nakila - 8-eafa nakila →