Knut Hamsun

Knut Hamsun

1859-1952 Norgavaf suterotik

Knut Hamsun ba 04/08/1859 koe Garmo mevtawida koblir. Inaf ageltaf yolt tiyir Knud Pedersen. Vey tawadayikeem va jontika exava funter ise gondulesikur ise koe copucapa blir aze ko Amerika toldon kolamar. Dimlapiyison is tison 31-daf va Sult (1890, Ael) sanegar. Goldeon tukotgrupawer. Yon radimif berpot va opelafa blira ke norgaf tawaday is taneakafa tinefkara do tamefa tuwava ilamsisked. Lozolonaf berpot tid : Mysterier (1892, Yona bula) is Pan (1894) is Livets Spil (1896) is Aftenrøde (1898) is Under Høststjernen (1906) warzotak is Benoni (1908) is En Vandrer Spiller med Sordin (1909) is Børn av Tiden (1913) is Segelfoss By (1915, Segelfoss widava) is Landstrykere (1927, Yon gondulesik) is August (1930) is Men Livet lever (1933) is Ringen sluttet (1936). Duxibes va nuyuca, Hamsun belcon nuvelar olkevaf is basbidganaf is karfaf is gwidaf korik, do Dostoyevski is Nietzsche pakes va griva ta mecobevafa budara, is ayik gelavan gan jugemera va tamejoara (bata jontolafa lizira van Hesse va in tupokar). Va klice is volove ke ayaswavuca tudenayar ise tolnepalera va olkik do inafa anameda koe kotgrupera va tamebli waster. Ba 1920 va Nobel Suterotafo Poradro kazawar. Bal toleafi klepaki, gan rotatrakureva is tawarena grabom ke Hamsun soe zo biar. Vexe inafa renara va Norga vo va folvafa rokla kolizir : tison 83-daf in va pako ke hitlerevafa Germana narar viele Norga tir kerelenafa ise jontik norgik tegiron acagid. Radimi geja, in zo komalyerotayar ise wetce gugafimik zo lanyayar. Poki awalkera, ilikatcunon gan kottan, koe Paa gjengrodde Stier (1949, Moe werdtolgenina kelda) jebesa is fartcafa neva Hamsun va pebura yovayar. Ba 19/02/1952 koe intaf diel koe Nørholm poke Grimstad in awalker.

Knut Hamsun  Blira 1859-1952  Ava Norgava  Suterind Berpot   Suterot Den Gaadefulde (1877) Et Gjensyn (1878) Bjørger (1878) Lars Oftedal (1889) Fra det moderne Amerikas Aandsliv (1889) Sult (1890) - Ael Mysterier (1892) - Yona bula Redaktør Lynge (1893) Ny Jord (1893) Pan (1894) Ved Rigets Port (1895) Livets Spil (1896) Siesta (1897) Aftenrøde (1898) Victoria (1898) Munken Vendt (1902) Kratskog (1903) Dronning Tamara (1903) I Æventyrland (1903) - Reizpatecta Sværmere (1904) Stridende Liv (1905) - Lyumasa blira Under Høststjærnen (1906) Benoni (1907) Rosa (1908) En Vandrer spiller med Sordin (1909) Livet ivold (1910) Den siste Glæde (1912) Børn av Tiden (1913) Segelfoss By (1915) - Segelfoss widava Markens Grøde (1917) - Divmodara ke saneikeem Sproget i Fare (1918) Konerne ved Vandposten (1920) Siste Kapitel (1923) Landstrykere (1927) – Yon gondulesik August (1930) Men Livet lever (1933) Ringen sluttet (1936) Paa gjengrodde Stier (1949) - Moe werdtolgenina kelda

wp-de:Knut Hamsun wp-en:Knut Hamsun wp-es:Knut Hamsun wp-eo:Knut Hamsun wp-fr:Knut Hamsun wp-it:Knut Hamsun wp-nl:Knut Hamsun wp-pt:Knut Hamsun wp-ru:Гамсун,_Кнут wp-sw:Knut Hamsun wp-tr:Knut Hamsun